Io activisava interlingua per le manual de Ingvar Stenström. Tunc io habeva
jam practicate interlingua - intutionalmente, habente legite alcun numeros
de Revista de interlingua e scripte litteras a un amico polonese, cuje
lingua io ben maestrava in scripto, sed le scripte forma del qual era
guastante tempore pro me in usar. O plus simplemente dicite: Per scriber
interlingua a un amico polonese io poteva evader le difficultates e trappas
del grammatica de polonese scripte. Interlingua era le salvation, le lingua
que nos ambe comprendeva.

Pro me como parlator de anglese, un poco francese e Esperanto il era clar e
natural usar _lettera_ pro le cosa que on invia per le posta e _littera_
per le quales on scribe le lettera. Que isto poteva esser un problema io
solmente remarcava quando io studiava interlingua plus al profundo.

Il es frappante que il ha un conflicto dialectic inter le necessitate haber
un lingua functional e simple del un latere e un lingua strictemente
registrante le vocabulario international del altere. A vices nos
naturalmente debera accordar de disaccordar, sed isto es un cosa natural
del vita.

In mi "labor" de tornar le dictionario interlingua-svedese de Ingvar io ha
trovate un multitude de excellente parolas que me ha evadite quando io ha
usate le dictionarios interlingua-un altere lingua que io comprende.

E quando on vide multe parolas interlingua on es stupefacite del facto que
le patres del IED a vices era multo exacte secundo le material accessibile
e in altere casos multo liberal. Naturalmente io ha sempre cercate le
regulas per le quales io pote interlinguisar le vocabulario in le linguas
que io cognosce a un certe grado....

Linguisticamente

[log in to unmask]
Kjell Rehnström
Vänortsgatan 87
752 64  UPPSALA
Tel. 018-50 22 35