[log in to unmask] [log in to unmask]
 http://adam.cheshire.net/~jjbowks/home.html
 ~~~~~~~~~~~~~~~~~~~~~~~~~~~~~~~~~~~~~~~~~~~
Salute!
Io succedeva in obtener le "filas" de audio
del presenta.wav e le proba del "R a d I a"
e trovava que io necessitava un nove version
del programma de RealAudio pro le altere
emmissiones del "R a d I a"...

Re le rapiditate con que Paolo, Acsinte e
Florin parlava... io vole dicer que illo
non me sonava multo rapide, de facto
Paolo sonava como si ille faceva sfortio
pro pronunciar toto correctemente e faceva
un bon labor de illo. Ben facite.

Re le Radio Interlingua ( in curto "R a d I a")
io vole dicer que io alsi gustava multo de illo!
Mais le rapiditate non esseva un problema, io
pensa que possibilemente pro alteres de culturas
differente le velocitate del discurso es troppo
rapide, mais io es accostumate ad audir al
radio-jockeys Puertorriquen~os e Dominicanos
que vive al altere latere del frontiera con
Massachussetts e illes si vermente parla
rapidemente, tanto rapidemente que on suffre
un sorta de hypnotismo solmente al audir su
parolas... quando on ascolta a un persona
vive parlante depois on suffre un "lag" o
un cambio temporal e spatial, illo si que
es rapidemente parlate! Mais Florin e Acsinte?
Non, io crede que illes es meritose de obtener
grande laudationes pro su fluentia e senso
conversational. Io vermente amava ascoltar
le proba del "R a d I a" e nunc io spera
poter obtener le version plus nove pro audir
le resto. Le qualitate esseva multo bon
e io vole alsi dicer que Florin me impressava
con su voce tanto viril e formal e ben accentuate
e Acsinte con su melodiose e dulce voce esseva
multo professional alsi. Incredibile bon travalio!

A Paolo, Florin e Acsinte e qualque alteres que
adjutava io invia un grande congratulationes!

Sincermente,
Jay B.
------------
de: Ensjo
> Car amicos,
> io esseva un poco surprendite proque io non recipeva alicun
> reactiones al nove arrangiamento del pagina UMU
> interlingua.com, e super toto si vos poteva audir le filas
> sonor ibi ponite. Esque vos los poteva audir? Qual es vostre
> commentos?
> Paolo.

Nulle reaction?! Io commentava super iste archivos de sono in un message
que io inviava heri a INTERNG, le titulo era "Re: Finalmente! Radio
Interlingua!".

Ma nunquam es de troppo repeter que omne iste initiativas sonor es
optime characteristicas in le paginas re Interlingua. Interessatos pote
audir e perciper que Interlingua es belle quando parlate, tanto como
quando scripte. Illos es tamben grande elementos didatic que personas in
locos remote pote usar pro meliorar su dominio de Interlingua mesmo sin
maestro.

Paolo, Simona e Florin: recipe nostre regratiamentos!
--
   ENSJO