Jay Dobkin wrote:

> Kjell:
>
> In le Statos Unite, il es illegal pro le policia
> entrappar personas, ma como tu ha vidite, iste
> "prohibition" functiona in theoria solmente. Le
> authoritates non solmente usa entrappamento, ma, como
> in le caso que tu ha notate, interfere in cosas
> internal de altere paises pro facer lo.

Isto es in omne casos le effecto, eventualmente non
intendite! Isto debe esser un cosa multo interessante al
expertos de jure international. Un stato pote - e isto ha
occurrite in multe casos - intrappar un persona e conducer
le al su proprie territorio, como con le lider de PKK, le
allegate spia atomoc Wanunu (ort?) e un massa de altere
casos.

Il occurre sovente que personas immigrates qui ha obtenite
civitate svedese viagia a su pais de origine e confide in
un imaginate immunitate, ma es arrestate, proque illes
ancora possede le civitate (citatania) del pais de
origine.


> Hodie io ha legite de un altere caso que es un obvie
> e chocante violation del derectos human per mi
> governamento. Mazen Al-Najjar ha passate tres annos
> in prision in le SU sin esser cargate. Ille inseniava
> Arabic in le Universitate de Florida del Sul in Tampa
> (ubi le chef bibliotechario del collectiones special
> era Jay Dobkin, coincidentialmente--non io, ma un
> altere Jay Dobkin), ma quando su visa ha expirate in
> 1997 ille era imprisionate per le departamento de
> immigration statounitese, sin esser cargate. Le
> governamento dice que ille es un terrorista--ma ille
> nunquam ha essite cargate con necun crimen, e le
> governamento continua a insistir que ille e su
> avocatos non pote vider le "evidentia" del terrorismo
> es un secreto!. Finalmente, un judice ha dicite que
> ille debe esser liberate "on bail" [como on dice isto
> in interlingua?], ma hodie, quando su sposa ha apparate
> con le $8,000 bail, illa era informate que le Attorney
> General Janet Reno (le infamose assassino de multe
> infantes in Waco, Texas) ha prohibite su liberation,
> nonobstante le facto que le judice ha ordinate lo.

Le autoritates statal ha un somnambulante capacitate de
arrestar le terroristas que non es terroristas. Le ver
assassinos professional non cade victima de tal cosas.
Illes se cela plus professionalmente!

Cellus