Car lectores, car ascoltatores!

Le 31me podcast de Radio Interlingua es in-linea!

Ecce le contento:

Primo illo vole avisar uno super le dato final de inscriber vos al conferentia international de interlingua in Chepelare Bulgaria. A saper: illo es le 1 de maio! Que vos vos inscribe si tosto como possibile, pro un septimana agradabile inter le montanias bulgare! Radio Interlingua essera presente e vole incontrar su ascoltatores tamben personalmente! :-)

Vos ja multe vices poteva ascoltar le contributiones del interlinguista active: Thomas Breinstrup de Danmark. Ma esque vos ja pensava, que il esserea bon cognoscer le plus; saper plus super ille? A isto vos adjuta mi interview con ille, facite al 11me incontro nordic de interlingua in Linköping, Svedia, 2008. In iste prime parte presentate del interview se crea un situation rarissime, quando on non le audi parlante super interlingua, proque io le demandava definitivemente super su altere hobbys (e su profession, familia).

Iste vice le musicas veni de un amico musico Gábor Rezes, qui habita in Keszthely - un urbe hungare al ripa del famose laco Balaton. Ille sona un instrumento multo ancian, le koboz o cobza, que es un variante folkloric del lut medieval. Olim iste typo simplificate del lut era divulgate in tote le Hungaria historic, ma hodie illo superviveva solo in le provincia Moldova de Romania, ubi lo usa hungaros, rumanos e tsiganos (providente le musica pro ambe le populos).

Le sonoritate del cobza es multo ancian e simile al sonoritate del instrumentos parente como le dombra al kazakhos e altere tal instrumentos parente in le ambiente centro-asiatic e caucasian. Primo vos potera ascoltar un composition traditional in le stilo hungare de Moldova, ma le secunde pecia musical de Gábor Rezes prova, que on pote sonar musica moderne tamben per iste instrumento ancian...

Le ligamine directe pro discargar le file pro ascoltar es: http://www.interlingua.com/node/789 . 

Tote le previe programmas es tamben discargabile del pagina http://www.interlingua.com/radio .

A revider in Chepelare, Bulgaria, inter le 23 e 30 de julio!

Péter Kovács
le redactor


--
Pro leger le archivos e pro modificar o cancellar le subscription:
http://listserv.icors.org/archives/interlng.html