Un ancestre de 7 milliones da annos retro.

Ille se appella Toumai (Sperantia de vita, in lingua local) e viveva in Tchad 7 milliones de annos retro. Illo es le plus antique skeleto de hominide nunquam retrovate e illo ha essite discoperite per la Mission paleoanthropologic franco-tchadian (Mpft). Como explica le recercatores in le studio publicate per la revista Nature, es le etate de Toumai le elemento le plus importante: usque a hodie on credeva que cinque milliones de anno retro occurreva le separation infra le hominides e le primates e hodie remane solmente poc fragmentos fossile. Toumai (Sahelanthropus tchadensis) es le plus importante fossile nunquam discoperite, sustene le paleontologos. Le cranio es multo simile a illo del simias, ma le visage es curte e le dentes, supertoto le canines, son parve como illos del humanos. Etiam le fronte prominente de Toumai es simile a illo de nostre ancestres. Secundo le recercatores, iste tractos physiognomic, face pensar que le fragmentos del homine de Tchad pertine a un directe ancestre del genere Homo. 
Le retrovamento de iste fossile distante ab le zona de Africa oriental in le qual on habeva retrovate le major parte del fragmentos fossile demonstra que le hominides habeva jam disveloppate capacitates de adptation con le ambiente e illes poteva occupar territorios diverse ubi illos trovava le maniera de fructificar omne ressources disponibile. Un capacitate de adaptation e controllo del ambiente typic del specie human.

Luca Ghitti