Josu,
   Io non crede que lo que tu dice es ver.  Io non
sape si o non Dr. Gode haberea acceptate mi studio del
particulas romance. Mais certemente tu non poterea saper lo.
   De facto, Gode ha tacitemente
indicate incoragiamento a me quando ille me dava su
cartas super le qual ille ha registrate in 1939 su cerca 
del quatro linguas romance plus latino e anglese. Le
implication a me esseva que io debe facer un tal studio
usante libros como aquello de Bourciez pois que io habeva
monstrate le le libro de Bourciez 'Éléments de Linguistique 
Romane'. Io habeva comprate aquelle libro le mesme die 
ante visitar le a su bureau in 1961.  Io sape que ille 
continuava usar le particulas latin (similar a aquellos del 
Latinoi sine Flexione de Peano) que Stillman e ille habeva 
decidite usar pois le studio de Dr. Gode non produceva 
bastante particulas (solmente 73) del tres linguas fontes 
romance. [Le regula de tres pro eligibilitate habeva essite
constate, mais le resto del methodologia como le prototypos
esseva destinate esser nascite in 1943. Mais io non habeva 
complete un tal studio ante que ille ha morite in 1970 
proque in le interim io esseva preoccupate con un nove 
familia e comenciamento de mi profession. Solmente in 
1997 - 1999 io recomenciavami studio e lo compleva. 

Assi, pois vider mi complete lista de 183+
particulas romance, io crede que ille al minus haberea
tolerate lo como un parallel option. Le puncto es que
ille haberea habite un dilemma inter usar su particulas
latin que non conforma al methodologia del prototypos
que esseva central a interlingua e mi lista basate super
un studio prototypic de un expandite lista de linguas
romance in que solutiones prototypic esseva plus possibile.
Mi uso de catalano/occitano e romaniano como linguas
supplementari pro determinar solmente particulas esseva
consistente con le addition del technica supplementari
de usar germano e russo in addition al original linguas
fontes, anglese, francese, italiano e espaniol/portuguese
quando il non habe tres variantes in le original 4 linguas
in le caso del vocabulario general.

E le election hodie de particulas esserea inter un lista de
particulas de pur latino que quasi necuno usa hodie e le
particulas romance que include 173 particulas in [ ] in
le IED, que io ha determinate esser prototypos.

E le sol maniera in resolver iste dilemma esseva a acceptar
mi lista como in accordo con le methodologia de interlingua
in parallel con su particulas latin.  

Pois toto, ille ha usate iste particulas latin in tote
su traductiones, le Grammatica de Gode e Blair, e ille non
voleva abandonar los proque illos esseva interlaciate 
in tote su obras. Mais ille debeva recognoscer los 
como consistente con le methodologia de interlingua que
Stillman e ille habeva constate, e perfectemente valide.

Io non comprende Josu le cambio in tu attitude verso me.
Tu es totemente critic e negative in attaccar me.  Que
es le ration pro isto?

Io sape que tu sape mi explication date in alto mais
io lo repete aqui pro le novicios qui ha vidite tu
remarcas e non sape lo que mi particulas romance es.

Io da un complete explication del prototypic methodo 
usate pro derivar le particulas romance insimul con
un tabulo que monstra lor origines in le linguas fontes
romance usate, in mi libro Interlingua Grammar and Method
disponibile a Amazon.com.

Stan

----- Original Message -----
> Josu Lavin, Mon, 19 Aug 2013 23:05:47 +0200:
> > Gode nunquam haberea acceptate le solutiones de
> > Stan, e multo minus su maniera de presentar le
> > factos.
> 
> E tu maniera de le criticar?
> 
> Amical e politemente,
> 
> 
> --
> Pro leger le archivos e pro modificar o cancellar le subscription:
> http://listserv.icors.org/archives/interlng.html
> 


--
Pro leger le archivos e pro modificar o cancellar le subscription:
http://listserv.icors.org/archives/interlng.html