Le initiativa de Esteban Avey de un summario septimanal del novas mundial in interlingua es
eminente. Ma illo require un forte redaction de persistente contributores, alteremente il es
impossibile continuar un publication tanto sovente (a vices io amarea plus de tal contributores pro
Panorama).

Totevia: Que nos lo essaya in practica! Io es preste contribuer in le initio con breve articulos
actual de Europa del Nord pro supportar le bon initiativa, si tosto que Esteban es preste.

Io propone que on ja desde le initio arrangia lo assi que omne invios es anque stockate a un adresse
de Internet, assi que on pote consultar editiones ancian (e pro salveguardar los pro rationes
historic, naturalmente).

Io attende le signal...

Con mi optime salutes
Thomas Breinstrup