Salute!

Con gaudio grande nos desira Frank benvenite de novo a nos! Frank ha
indicate corage e humilitate al mesme tempore.

Io comprende ben le importantia del identitate e integritate de un
persona e vamos esser caute in nostre maniera adressar personas. Le
infelice parola 'statounitese' forsan es construite in IALA ma IALA non
sera le ultime autoritate in eternitate. Io non vole recapitular le plen
discussion nos ha habite in iste cosa. Le parola non es a usar re
personas!

Io ha un similar exemplo de unpolitessa causate de mi proprie
irreflexion. Io ha un amico 'Max' in Finlandia, anque un ingeniero
forestal. Le nomine de familia es Forsbacka (un cadita de aqua apud un
collina). Max e su familia vive in le svedophone parte del Finlandia e
svedese es le lingua maternal de Max. Max es considerate un bon parlator
de finnese inter le finnos e non objecta usar finnese. Io intendeva
jocar un poco con Max e io ha le adressate con le nomine Forsbacka
traducite in finnese - Koskenmäki. Max devenira pallide. Post un pausa
longe il me diceva: Tu, Jan, pote usar tu lingua maternal (svedese) cata
die automaticamente sin alcun reflexiones in Svedia. Io debe cata die
defender mi svedese in Finlandia ubi svedese es un lingua official, como
finnese, ma menaciate de extinction pro que solmente un minoritate usa
lo. Io comprende que tu me non voleva vulnerar, ma il se tracta de mi
identitate e tal cosas son delicate. - Un vergonia pro me!

Amicalmente,
Jan
-- 
Jan Armann 
Fagelstigen 21; S-904 21 UMEA, Sverige (Sweden)
Tel & Fax +46 (0)90771525; e-mail: [log in to unmask]
http://www.algonet.se/~armann