[Thomas Breinstrup]
> (...). Compra los per le Servicio de Libros - e multo
> tosto per www.interlingua.com.

On poterea, initialmente, transcriber le Bibliographia de IL a formato del
WWW (HTML).

Pro automatizar le processo de compra, UMI (o plus specificamente le
Servicio de Libros) debe acquirer presso un Servicio de Credito
International (Visa, MasterCard, American Express, etc.) le derecto
("directo"?) de facer venditas via carta de credito, essente necessarie
haber le numero del carta de credito del comprator (io, per exemplo, non
pote ir illac pro assignar qualcosa.) Qui poterea verificar isto? Piet?
Frits Gouldkil? Alix? Paolo? Jan? Seliger alicuno pro facer isto.

Si UMI/ServLib acquirera iste derecto, io habe alicun experientia con
programmation in linguage PERL in servitores WWW, e io pote facer le
programmas que recipera le datos del comprator ab un formulario in le WWW e
los mittera in un base de datos e/o in un message de e-posta pro le
responsabile(s) pro le emission del libro(s) demandate.

Tamben, pro isto esser possibile, Frank Pfaff debe verificar, presso le
hospitator del paginas de UMI, si le contracto de hospitation include le
possibilitate de executar programmas CGI. Pro questiones de securitate,
verificar tamben si le hospitator offere le servicio de "HTTP Secur"
("shttp"), pro cryptographar le datos del formulario (le numero del carta
de credito!)

Si nos habera tosto iste informationes/accordos, tosto nos habera le
vendita de libros via www.interlingua.com.
--
ENSJO: Emerson José Silveira da Costa
http://www.nautilus.com.br/~ensjo/

INTERLINGUA: Lingua auxiliar International
http://www.interlingua.com
Grammatica in anglese:
http://www.nautilus.com.br/~ensjo/interlingua/english.html