Jay Bowks wrote:

> Io vole telephonar a ambe seniores e
> offerer adjuta in importar le file del Acorn
> Publisher a un formato de Word. Io necessita
> information del duo seniores pro poter facer
> le excambio de formatos. Tunc le information
> essera compilate in un formato adequate como
> illo de Word 6.0 (o plus recente) le qual esserea
> facile de transcriber a qualque altere formatos
> pro publication.

Pro le momento io va conformar me e desister de usar mi idiolecto,
viste que isto rende tante personas irate, e naturalmente io non vole
apparer como un dilletante. Plus interessante quam le selection de
certe parolas tamen debe esser le discussion de que nos face pro
financiar nostre labor.

Se Peter Gopsill e Brian Sexton pote facer su dictionario publicate
per un casa editorial le qual paga moneta, isto es excellente. Tunc
on habera moneta pro le labor. Le question debe tamen esser. Como
pote nos finansiar le divulgation de interlingua. In le ultime numero
de Panorama Thomas scribe que nos debe incoragiar le uso practic de
interlingua....

Pote il esser logic usar interlingua e distribuer le dictionarios
gratuitemente via le rete ma prender moneta pro le pagamento del
dictionario. Si un persona ben pote discargar le dictionario del rete
e es contente per isto, esque isto non es sufficiente. Pote on esser
contente de un copia papirate per le proprie imprimitor, que on
postea ipse debe paginar e introligar? Esque il non vale plus haber
le ver libro e pagar pro illo? E illes qui ha un libro forsan vole
haber le material in le computator? Esque in ille caso il non pote
esser logic que on pote obtenir le material gratuitemente via le
rete.

Io vole dicer assi: Si tu usa le dictionarios del rete. Proque non
pagar un summa que tu pensa es conveniente, a tu organisation
interlingua pro isto que tu usa le facilitate. Si tu usa eiglos.
Proque non donar un poco de moneta al union mundial pro isto, pro
exemplo al fondo oriental, que assiste usatores qui, pro le
inconvertibilitate de valutas, non-functionante bancas e altere
impedimentos del libere movimento de valutas, non pote pagar
directemente al Union Mundial.

Qui non dona iste moneta "prepara le flagello al proprie dorso",
incapacitante le organisation facer su labor.

Amicalmente