STAN MULAIK wrote:

> (...)
>  Io conclude per asserer accusantemente que le plus grande
> periculo del interlinguistica de nostre dies es le incesto del
> idealismo de su adherentes

Hmm. On pote ir ancora un passo e questionar se proque Candido Gomes
voleva usar justo textos in interlingua como base pro su lecturas in le
radio. Un divination pote esser que le textos era de bon precio. E ille
legeva interlingua. Sed certo ille era dirigite per idealismo, le desiro
disseminar le cognoscentia del scientia in le populo.

De tal personas il existe multes in varie paises. Le inventor del
collegios popular, le danese Gruntwig certo era idealista ben que al
mesme tempore un habile politico, poeta de psalmos, educator del
juventute rural in Danmark.

O de omne iste humanos qui in Svedia laborava pro disseminar cognoscentia
in le fin del seculo passate organisante circulos de prelecturas in le
parve vilages. Iste idealismo habeva un tremende influentia al
population, ego suppone.

Le idealismo deveni periculose quando on lo practica in un modo
prescriptive. Tu debe creder e ager secundo mi prescriptiones. Sed le
idealismo que - sin le avaritia de dividendos e gania pro le bon de
altere humanos, tanto proxime al exigentias del religiones - debe esser
un cosa laudabile.

Legente le scripturas de Alex. Gode ego ha un senso que ille era multo
idealista, ma movente se in le circulos scientific, ille ben sapeva que
un tal attitude non es cinvincente. Plus tosto functiona cynismo, un
frigide spirito de observation. Pro isto ille assumeva iste attitude, sed
post illo on senti un vibrante humano con ideales, le quales ille vole
condivider al humanitate.

Gode apparentemente habeva un altere vision al realitate que Zamenhof, e
ille ageva in un altere realitate, sed idealista ille tamen era in un
senso. Al mesme tempore ille era multo plus habile in celar su idealismo.

Cellus P