Salute, forsan isto pote interessar vos. Alcun cinquecentos metros del loco
ubi ego habita il ha un templo mormonic. In le corte de autoparcation alcun
ha ponite un corbe de basketball (bolla a corbe?) e plus del mormones on non
vide. De vice in quando (pro amusar se de un ver hispanismo que multo me
place, ma que ego sape NON es interlingua) on vide juvenos missionarios. Il
se tracta de juvene viros del Statos Unite o Canada qui face un specie de
servicio missionari - in vice del s. militar - missionante in altere paises.

Un parte de iste missionamento es que on visita personas in lor casa
parlante de su religion e - si alcun es interessate - vende Le libro de
Mormon al interessatos. Ego ha un exemplar in traduction svedese.

Le juvene missionarios recipe ante lor viage missionari multo bon education
in svedese. Le juvenos es multo ben vestate - propriemente forsan es le
parola correcte.

Le t testes de Jehova era sempre etnic svedeses, sed nunc quando il ha multe
immigrantes in le pais ego ha etiam incontrate testes de altere paises.
Illes distribue un publication que se appella _Revelia!_ e _Turre de guardia_.

Quando ego era in le station de autobus in Uppsala un dama teste veniva e me
offreva un _Revelia!_ plenmente gratuitemente. Il era solo un parve folio (A6).

Un amica qui faceva studios jornalistic - isto occurreva ante multe annos -
habeva un deber scriber un cosa in re le testes. Illa era surprendite que
illa incontrava un si grande aperturitate e non del toto le excludentia que
illa habeva exspectate.

Ante alcun tempore ego audiva un programma del radio in re le gnosticismo
que me multo interessava, proque illo lo explicava in un altere maniera que
ego habeva imaginate.

Religiologicamente
Kjell Rehnstroem
Vaenortsgatan 87
S - 75264 Uppsala
email: [log in to unmask]