Ado Hall in le die 7 majo scribeva:

> Lo que me place multo re le rugby es que il ha un position pro cata
> forma human - sia parve, rotunde, o alte e tenue.

Si, e omne rolo ha su fascino e mentalitate

> Ha si - nostre inimico traditional - nostre vicinos - le homines con le
> toto nigre tricot, de Nove Zelanda. Le registro de resultates de matches
> annual inter le Wallabies e le All Blacks durante plus que cent annos
> non es un felice lectura pro un Australiano. Tamen in le annos recente,
> depost 1980, le balancia es satis equal.

Que dicer allora del resultates del equipa italian contra le All Blacks?
sigh...

> Certo que le Nov-Zelandanos "colpa super lor peso" in le sport. Tamen
> mesmo plus forte es le Polynesianos - de Fiji, Tonga e Samoa. Le
> representation de jocatores de ancestria polynesian in le equipas
> professional de Nov-Zelanda e Australia es multo plus grande que lor
> representation in le population general.

Interessante, anque io notava isto - esque le rugby es un instrumento de
redemption social?

> Etiam io ama le stilo del equipa francese. Felicemente, iste anno pro le
> prime vice in multe anos io poteva sequer le campionato del sex nationes
> (europee). Qual gaudio!

Le mesmo pro me, anque si le equipa italian non iva troppo ben.

> Heri io spectava a la television le match annual inter le duo grande
> provincias de Australia - NSW (Nove Galles del Sud) e Queensland. Pro le
> prime vice in novem annos, le "Waratahs" de NSW - mi equipa, ha ganiate!
> E illes sede nunc al capite del tabula del "Super 12", (un campionato
> inter le principal provincias de Australia, Nove Zelanda e Africa del
> Sud). Io surride, scribente isto.

Io anque es gaudiose - viva Warathas!

> Le equipa italian veni a Australia in junio (sed joca a Melbourne). Como
> ira illes sin John Kirwan como trainator?

Mah, post le retiremento de Dominguez le equipa italian debe transir al nove
generationes. Le problema es que le rugby es sacrificio, e isto in un pais
ubi con le football un juvene pote ganiar milliones de euros a 18 annos.
Anque mi filio abandonava de jocar le rugby.

Ado, io opina de pubblicar un glossario de rugby in le "Oculo
Interlinguistic". Que tu dice de isto?

Cordialmente,

vostre robocap
(vole ben leger e divulgar "Le Oculo Interlinguistic"
http://digilander.libero.it/OculoInterlinguistic)