Car lectores, ascoltatores!

Le 30me emission de Radio Interlingua arrivava al rete. Illo es ascoltabile directemente, o discargabile del pagina http://www.interlingua.com/node/785 . Altere emissiones (e isto tamben) es attingibile del pagina general http://www.interlingua.com/radio .

Le contento de novo es varie.

Al initio io face propaganda pro le 19ne conferentia international de interlingua. Le dato final de inscriber se al 19ne Conferentia International de Interlingua se approxima! Illo es le prime de maio, ma que vos vos inscribe si tosto como possibile con tote vostre familias! Ben que illo essera organisate in le pais de Sud: Bulgaria; in Chepelare, que se trova inter le montanias le climate es agradabile mesmo in le estate. Vos pote trovar tote le informationes necessari a inscriber vos al conferentia sur le pagina http://www.interlingua.com/conferentia/2011 .

Secundo io presenta le quarte – i. e. final – parte de mi interview con Ingvar Stenström, registrate in Linköping, Svedia, 2008, in le 11me Incontro Nordic de interlingua. Il se tracta de themas interessante: le chances de interlingua sur le strata mundial de linguas e inter le juvenes; le attitude de juvenes a apprender linguas estranier, le situation del inseniamento de linguas in Svedia, le lingua anglese, etc. Tote isto: in solo minus que octo minutas! 

Postea veni un thema minus seriose: Erik Enfors – inspirate per mi traduction super le Familia Tante, presentate in le previe emission – ora presenta alicun membros plus famose del familia Eric. 

In iste podcast io de novo presenta pecias music de mi co-citatano urban, ex-collega musico Csaba Kocsis, qui compone e registra su proprie musica solo a su proprie divertimento, como hobby. 

Io desira un emission educative e divertente pro vos iste vice tamben! 

A revider in Chepelare, Bulgaria, inter le vinti-tres e trenta de julio! 

Vostre redactor: 

Péter Kovács


--
Pro leger le archivos e pro modificar o cancellar le subscription:
http://listserv.icors.org/archives/interlng.html