Le manos magic de Martijn manipulava mi machina - e post
ancora tres re-installationes del impressor Lexmark X73 illo
functiona de novo.    Forsan vos memora mi "crito de adjuta"
in INTERLNG.  A illo respondeva con multissime bon consilios
Jay Bowks, Wayne Brehaut, Bent Andersen, Allan Kiviaho,
Lars-Onni Wik, Ove Hanebring e alteres,
Mille gratias a vos omnes!  Mi "salvator" regular in tal stituationes,
George Petrineanu, esseva in Romania pro vacantias,

Martijn Dekker esseva un del cinquanta-cinque participantes del
 "Cursos inensive e le 9-e Incontro nordic" in Svedia in le ultime
 septimana de julio.  Ille es non solmente un juvene homine
 multo sympathic, ma tamben un fantastic experto del
mysterios de computatores e. ille veniva con me a mi casa pro
solver le problema,  Illo se monstrava complicate e ille laborava
persistentemente durante tres horas con tres nove re-installationes.
 Le interruption del connection inter le  computatator e le
 impressor/copiator  occurreva exactemente ante que
io debeva copiar plure centos de paginas pro le Incontro, e 
solmente le adjuta de altere amicos (uno de illes un ancian
 alumno mie .nunc chef de un officina) salvava le situation.

Le consilio final de Martijn esseva: "Compra un Mac. Tales 
nunquam disfunctiona."   Per hasardo (e mal fortuna) )io debeva le 
die sequente visitar un medico.  Ille habeva apud le grande PC
del officina un parve Mac portabile private.  Io le demandava proque.
"Le PC crasha quasi cata die - le Mac, que io ha usate durante
dece-duo annos nunquam lo face..."      Oh, iste Mac-histas...!

Ma Martijn e vos alteres. accepta mi grande gratitude!
Cordialmente,
Ingvar 


Ingvar Stenström
Vegagatan 12
S-432 36  VARBERG, Svedia
Tel. +46-/0/340-15053
[log in to unmask]

www.interlingua.com
www.interlingua.nu