Jonathan Julius Dobkin wrote:

> Certemente, como Stan ha scripte, il es possibile que un "error stupid"
> ha essite facite in un caso particular. Re le altere paises, le ignorantia
> del nativos del SUA es chocante. Io dice que le citatanos typic de mi
> pais ha solmente le sequente cognoscentia de cosas international: illos
> sape (vagemente) que Canada existe--e forsan Mexico alsi!
>
> Ma io es troppo acerbe; le europeos ha plus cognoscentia de altere
> paises, (...)

Ego ha le impression que le publico in general in Svedia sape plus de
Anglaterra et le Statos Unite quam del paises Baltic, o mesmo Finlandia,
situate al altere latere del Baltico.

Multe tal cosas es causate de scholas et medios (media). Le cosa non era
facilitate durante le tempore del Union Sovietic, quando il era difficile
viagiar in le paises transbaltic (vidite de mi latere del mar). Naturalmente
excludente Finlandia que, como ben cognoscite, es sempre un libere et autonome
pais. Multe svedeses viagiava a Finlandia, et il ha le immigrantes de ibi qui
ha laborate in Svedia.

Polonia era un exception gaudiose inter le paises communista/democratias
popular in isto que illo supportava touristica - mesmo individual - lo que ego
suppone era in toto positive pro tote le pais.

Nunc quando le publico es tanto anglificate, illo non plus sape pronunciar le
nomines del urbes german como München o Hannover. Pro non parlar del nomine del
pais Helvetia que es Schweiz in svedese, sovente pronunciate Sveitsh, o Sveits
(mesmo de multo intelligente personas!)

O tempora, o mores (On clarmente invetera!)

Cellus