Le 28 Januario passate, Stan Mulaik scribeva:
Io debe usar iste opportunitate pro facer cognoscite
mi libro "Interlingua Grammar and Method".  In le
capitulo 7 "Word formation in Interlingua" io discute
le methodos per le qual le vocabulario esseva extracte
e standardizate del linguas fontes. Illo cita plure exemplos.
Illo equalmente describe serie derivational, affixos (suffixos
e prefixos), suffixos del latino, suffixos addite al
thema de participios passate pro formar substantivos e
adjectivos, multe suffixos del latino in interlingua;
prefixos del latino in interlingua, affixos del greco.
Io ha addite in iste capitulo un section super le rolo del
metaphora in le formation de parolas.  Isto es un subjecto
de interesse professional mie como un psychologo, e illo
se basa super un nove theoria del metaphora in le campo.
Mais tu va discoperir como le romanos ha usate metaphoras
que nos ancora usa in formar conceptos usante nostre
experientia de nostre corpores in ager super e in le mundo.
Io monstra como on pote analysar parolas pro lor senso
quando on sape le varie affixos de interlingua e lor
themas.  On vide como le theoria del metaphora revela
le senso e origine del formation de un parola.

Il ha multe altere capitulos.  Un contine un traduction
del introduction del Decameron de Boccacio "le Pestilentia."
Io non sape ben le italiano. Mais con mi interlingua, alcun
traductiones anglese, e un edition abbreviate del Decameron de
1751 que io comprava in circa 1975 a un libreria in Atlanta, e
dictionarios del italiano e italiano-anglese io ha facite
iste traduction.  Assi illo illustra como le interlingua es
un ponte a linguas romance como le italiano.

Capitulo 10 es "Interlinguistic Standardization" io
presenta le theoria del standardization de parolas del
prototypos in interlingua.

In toto il ha 377 paginas. Duo glossarios de
interlingua-anglese e anglese-interlingua de 3248 del plus
importante parolas in interlingua.  Il equalmente ha capitulos
illustrante le uso de interlingua in varie commun situationes
per dialogos de personas in iste situationes.

Le libro es disponibile a Amazon.com pro circa $20.  Io ha
inviate exemplares del libro a proxime a Tierra del Fuego de
Argentina e Norvega, inviate directe del imprimitor.

Isto scribeva le autor e io refere que al termino de un prime attente lectura io ha incontrate difficultates a comprehender le stylo de Interlingua proponite per Stan.
Io me propone de leger un altere vice iste libro e in avante io legera “Interlingua lingua internazionale” per Paolo Castellina e mesmo “Interlingua Grammar” per A. Gode e H E Blair. Il sera un belle revision del grammatica de Interlingua e un attente exercitio de Anglese.
Il es probabile que al fin io decidera de abandonar definitivemente de practicar Interlingua e de substituer iste studio al sol lingua Anglese. Nos scribe re Interlingua como un lingua que vive e que es presente in le linguas europee. Totevia io pensa que le ver lingua international per le mundo occidental sera illo que es jam in via de formation in relation al preminentia del linguas europee, a partir ab le Anglese.
Isto requirera alcun seculos como jam in le passato e le resultato non sera le actual lingua Anglese mais illo que venira per abandono de terminos non plus praticate in le viver de omne die. Nos lege que in qualque decenas de annos nos mutara nostre alimentos e isto pro me sera decisive in relation a un lingua de practicar.

Amicalmente
Mario Malaguti


--
Pro leger le archivos e pro modificar o cancellar le subscription:
http://listserv.icors.org/archives/interlng.html