Car amico, compatriota e fratre Carlos Alberto,

Deman, Deo mediante, io partira in vacantias e le accesso a internet non
sera facile pro me. Ante de partir io debe passar per le hospital ubi on me
facera un resonantia pro studiar mi fistula complicate (iste fistula non es
multo compatriotic!).

Que le Deos e Deas audi tu parolas!

Que nos signa le Manifesto!

Imbracios amical

Josu Lavin


Car amicos e compatriotas,

                Gania Interlingua un motor de alte potentia e remarcabile
functionamento: le extraordinari idealismo e le foras del commun disposition
al labor de Josu Lavin!

                Le idea vehiculate per le *Manifesto pro le Compatriotismo
Planetari* o pro le fundation de un *Patria sin Frontieras* ubi le idioma
auxiliar neutre pote esser e Interlingua e Romanica, es alique destinate a
resultar in grande beneficio al dynamisation del movimento interlinguista (e
romanichista, naturalmente), per un insimul de actiones intelligente e ben
coordinate, inspirate per un persona de un tal nivello intellectual e de un
tal capacitate de travalio como Josu.

                Io preca de tote mi corde le communitate interlinguista de
non recusar iste avantagiose alliantia al communitate romanichista, que
dispone non solmente del figura admirabile de Josu Lavin ma anque de altere
membros de altissime expression (io crede, que io non necessita nominar les
aqui), cuje participation effective in le disveloppamento de iste nobile
ideal, de iste NOVE IDEA, essera fundamental al successo de ambe le
*movimentos*, que debe funder se in un sol MOVIMENTO, que non se
preoccuparea de minor questiones re le grammatica e le formas de parolas si
facilemente comprensibile a tote le COMPATRIOTAS PLANETARI.

                Que nos signa in massa le *Manifesto*! Que nos signala le
initio de un nove era, vermente digne de un nove millennio!

                Compatrioticamente vostre

Carlos Alberto Santos
Aracaju - BRASIL

--
Archivos e disabonar: http://listserv.icors.org/archives/INTERLNG.html