Del Atlanta Jouranl-Constitution, le 20 de septembre 1997

Le contato de Newton [in Georgia, SUA], e su capital citate del contato,
Covington, es accostumate al celebritates. Como un sito de filmar le
programmas serial in le television e le cinema, le inhabitantes ha vidite
lor portion de stellas de cinema.

Mais hodie le contato va haber un contacto con un nove typo de celebritate,
regalitate.

Rege Carl XVI Gustaf de Sveda va visitar le Reservation de Pueros Explorator de
Bert Adams.  Le rege, le presidente honorari del Consilio de Administration
del Fundation Mundial de Pueros Explorator, es in Atlanta in un viage private
pro esser presente al convention administrative e ceremonias pro le Consilio
del Fundation.

Melanie Vaughn, director de relationes public pro le Districto de Atlanta
del Pueros Exploratores de America, diceva que le Reservation Bert Adams
esseva selegite proque illo es proxime al citate de Atlanta, ubi le Rege va
restar. Con un laco, campos pro tirar le arco e le fusil, e un turre de
rappelage (?), le majoritate de activitates de exploratores pote practicar se
al reservation.

Vaughn diceva que le Rege Gustaf va observar le exporatores pueros performar
lor habilitates--de usar le bussola e mappa a nodar le cordas--e va mangiar
al reservation.  In le menu il habera le polo e bolletas, cocite super un
foco del campo.

[deletion]

Bruce Larson, le Consule honorari de Sveda in Atlanta diceva que un parve
delegation incontrava le volo commercial portante le Rege quando illo ha
arrivate al Aereoporto Hartsfield de Atlanta al postmeredie de jovedi,
mais necun functiones official es planate durante le visita.

Larson diceva que le Rege Gustaf es un visitor frequente al Statos Unite,
e ha essite a Atlanta plure vices. Le integre familia regal--le rege,
Regina Silvia, e lor tres infantes, ha visitate Atlanta iste anno previe
durante le Jocos Olympic.

Le participation del Rege in le Exploratores Pueros commenciava quando ille
habeva le etate de 5 septimanas quando on le faceva un Lupino Honorari a
su baptismo. Ille deveniva un Explorator Puero in 1956, es presidente
del Consilio de Exploratores e Guidas de Sveda, e recipeva le Lupo de
Bronzo, le sol premio del Organization Mundial del Movimento de Exploratores.
Su filio, le Prince Carl Phillip, anque es un Explorator Puero.

----
Traducite per Stan Mulaik