Car Andrew

Ben, io non seque multo le nove litteratura. ma io pote mentionar alcun
obras vetule.

Il ha p.ex. le duo recipientes danese del premio Nobel, Johannes V. Jensen e
Henrik Pontoppidan. Jensen scribeva inter altere Kongens Fald (le
cadita/ruina del rege) e Den lange Rejse (le longe viage). Io non ha jammais
succedite a finir ulle del libros - illos me era troppo enoiose. (In plus le
viage pareva alquanto quasi-nazi.)

Pontoppidan al altere latere me ha placite multissimo - ille scribeva inter
multissime titulos tres grande romances - Det forjættede Land (le pais ...
hm.. promittite?), De dødes Rige (le regno del mortes) e Lykke-Per (Per
Fortuna).

Alcun altere scriptores qui me ha placite es le tres grande communistas
Martin Andersen Nexø (Pelle Erobreren/le conquisitor), Hans Kirk (i.a.
Fiskerne (le piscatores) e Daglejerne (le jornaleros)), e Hans Scherfig
(i.a. Det Forsømte Forår (le primavera neglecte)).

Karen Blixen forsan es cognoscite per multes, i.a. a causa del film Out of
Africa. Su major obra era Min Afrikanske Farm.

Del resto, on pote forsan trovar alcun del libros mentionate in le rete como
e-books gratuite via archive.org . Io trovava le altere die i.a. alcun
libros de Pontoppidan traducite in anglese.

Amicalmente,
Lars




On Mon, Nov 17, 2008 at 7:54 PM, Andrew Juhasz <[log in to unmask]>wrote:

> Car Lars e alteres qui habita in un pais scandinave
>
> Quales son le major (e digne de consideration) obras belletristic de
> Svedia,
> Danmark, e Norvegia.
> Io legeva Peter Hoeg in anglese: miss Smilla's feeling for snow, e Sophie's
> world.
> Io ha cognoscentia de Showal e Whaloo, pardona mi errores, ma io illes ha
> lecte multissime annos retro...
>
> Ora, ci in Anglaterra, il ha un recommendation super libros de un author
> svedese o danese, qui ha morite
> a un etate multo juvene, e qui ha scripte un trilogia (io crede) que es
> (io,
> tamben, crede) un historia criminal/detective.
> Sape vos de qual author io parla?
>
> optime salutes
> Andrew
>
> 2008/11/17 KOVACS Peter <[log in to unmask]>
>
> > Esque le Servicio de Libros de UMI cessava? O es illo menaciate per
> cessar?
> > Io lege sovente recentemente, que autores interlinguista publica e vende
> > lor
> > obras non per le Servicio de Libros de UMI, ma per Lulu; e lor obras es
> > ordinabile non per le servicio de libros in interlingua, ma per Lulu.
> Qual
> > avantages de un firma exterior pote haber contra nostre proprie servicio?
> >
> > Péter Kovács
> >
> > --
> > Archivos e disabonar: http://listserv.icors.org/archives/INTERLNG.html
> >
>
> --
> Archivos e disabonar: http://listserv.icors.org/archives/INTERLNG.html
>



-- 
http://falcatorrosa2.blogspot.com

Interlingua - proque nos ama linguas!

--
Archivos e disabonar: http://listserv.icors.org/archives/INTERLNG.html