Meravilia! Nos vole ascoltar *Radio Interlingua* si tosto como possibile.

Car Péter, permitte un parve correction: 5) Le moderatrice o moderator
prende *congedo* del ascoltatores.

Amicalmente,

Carlos Alberto

----- Original Message -----
From: "KOVACS Peter" <[log in to unmask]>
To: <[log in to unmask]>
Sent: Thursday, July 05, 2007 9:03 AM
Subject: Re: [INTERLNG] Filas sonic in interlingua


On Thu, 5 Jul 2007 11:54:36 +0200, Pawel Wimmer <[log in to unmask]> wrote:

>Io experimenta con varie utensiles e io ha justo preparate un nove version
>del Lection 1 (Instrumento moderne) - io ha usate WildVoice Studio
(gratuite
>- http://www.wildvoice.com) ubi on pote combinar registrationes con
effectos
>special, faciente de facto un podcast.

Multo ben: alora toto es insimul pro revivificar Radio Interlingua!

Nos ha ja alicun materiales sonic con bon pronunciation, il ha effectos
sonic gratuite...solmente musica es ancora besoniate pro le pausa inter le
reportages, narrationes, etc.; a fin que non solmente parlamento se audi e
moderatrices / moderatores voluntari con bon linguage e bon pronunciation.
Nos poterea mixar, crear tal podcasts regularmente (o irregularmente). Qui
interprenderea isto? Qui coordinarea le labor describite supra? Qui facerea
le labor technic? Qui poterea assecurar, que iste podcasts sia regularmente
actualisate?

Nos poterea facer podcasts de proba con le structura:

0) Signal e/o musica (breve)
1) Alicuno saluta le ascoltatores e les informa super le programma
ascoltabile postea
2) Un poco de musica e o signal
3) Un narration (un lectura de qualcuno de nos, qui ja ha facite
registrationes in interlingua in formato mp3) o reportage, intervista)
4) signal o/e musica (brevemente)
5) un altere mp3 in interlingua de un altere persona (differente del
anterior, a fin que non solmente un persona parla durante tote le podcast,
que toto non sia tal enoiose)
4) musica brevemente e/o signal
5) Le moderatrice o moderator prende condego del ascoltatores.
6) etc. (forsan musica al fin)

Que vos dice super le ideas e super le questiones supra?

Péter Kovács

--
Archivos e disabonar: http://listserv.icors.org/archives/INTERLNG.html

--
Archivos e disabonar: http://listserv.icors.org/archives/INTERLNG.html