Nationalitate
Isto es un cosa assatis interessante. Il me pare que le opiniones public e
le paises non ha plenmente comprendite le exigentias del tempore moderne e
le problemas que iste nove tempore pote crear, si nos non comprende le
realitate que nos vide.

Il me sembla que mesmo non le epoca del migration del populos significava
un tal grandissime migration de gente como in nostre dies hodierne.

Mi patre veniva de un provincia de Svedia e su parentes de duo varie
provintias.
Mi matre veniva de Uppland, ubi io nunc habita, e su patre tamben, sed su
parentes de ille (le patre de mi matre -) veniva de varie provincias.
Le matre de mi matre veniva de un provincia adjacente a Uppland.
Mi exmarita con le qual io ha infantes es de Polonia.
Secundo le statistica official de Svedia ILLES ES IMMIGRANTES!!!!!!!
Le duo juvenas vive in le estraniero, un in le Statos Unite e le altere in
Nederland (e face practica in Moscova!)

Iste facto me ha apprendite bastante multo. Si iste pueras habera infantes,
ille infantes essera americanos o nederlandeses. Il non importa si le
ambiente los acceptara como tales, si longe que illes va facer le festas
del Statos o Nederland, parlar le linguas ibi etc. illes essera ethnicos de
iste paises - al minus a mi aviso.

Infantes de America Latina qui ha sequite lor parentes a le pais de origine
ancora observa le festas tipic svedese, proque isto es lo que on faceva in
lor infantia.

Como con le flor B. Illo non ha su radices ubi le planta-parente A ha su
radices. Le planta A ha su radices ubi illos era irradicate, fixate.

Secundo le popularisate vista al radices io ha le mie in le provincia de
Dalecarlia (svedese Dalarna - le nomine significa Le Valles - como in multe
altere paises!) e al misme tempore in Uplandia e Vestmannia (io usa nunc le
vetere nomines latin, que es plus maneabile in interlingua que le ver
svedeses). Mi interesse in le altere locos de mi radices pote solo esser
nostalgic, historic, sed nihil plus. Io non pote dicer que io es
dalecarlese etc. solo como un burla.

Multes del ministros in le governamento de Svedia proveni de altere paises:
de Austria, de Germania del Baltica (le paises sur le altere latere del
Baltico - le mar - al sud del Sino Finnese.

Espania es representate in le parlamento europee per un femina que ha su
radices in Svedia e Germania. Tal cosas essera multo tipic in le futuro.

Multe del traditiones de Natal in svedia es multo juvene. Le homines face
le traditiones que illes vole e los nomina vetuste!

Io non debe oblidar narrar del facto interessante que un parve articulo in
favor de interlingua que io inviava a Hufvudstadsbladet, le plus grande
jornal quotidian in lingua svedese in Finlandia, ha essite publicate. Io me
gaude multo. Le information veniva de Allan Kiviaho heri!








Kjell [log in to unmask]
Kjell Rehnstroem
Vaenortsgatan 87
S-752 64  UPPSALA
Suedia - Sweden