On 3/17/07, Giovanni Nappi <[log in to unmask]> wrote:
>
> PS Es tu inclinate a un base de datos interne al programma o a uno
> relational? Le prime serea bon si il habera poc lexicographos, le
> secunde serea optime si le vocabulario se facera in plen
> collaboration (obviemente, comocunque, nos besonia un supervisor).
>

Anteriormente io pensava que un programa separate esserea un bon
solution, ma, considerante le direction de evolution del tecnologias
computational e le facilitate de accesso pro usatores, io ora pensa
que un sistema que executa in le navigator Web como qualcunque pagina
Web ordinari es le solution plus adequate al nostre demandas. Tote le
personas possede navigatores Web in lor computatores, e nos desira que
le usator non necessita discargar (download) e instalar nove programas
in lor machinas. Ultra isto, nos desira que le dictionario es
accessibile mesmo si le usator non ha accesso a su proprie computator.
Si le dictionario es accessibile per navigator Web, le usator pote
accessar le dictionario in qualcunque computator que possede conexion
al Internet.

Io intende facer un sistema que executa in le navigator Web, con alcun
tecnologia (como AJAX o Java). Il haberea un servitor central que
continerea le programa servitor e le base de datos relational (como in
Gmail e in Wikipedia). Le usator anonime accessarea le interface
default. Le usator autenticate (non-anonime) poterea
customizar/personalizar su interface (pro exibir solmente
informationes de su interesse, in le ordine que ilo vole). Le usatores
con privilegio de "lexicografos" poterea submeter entratas al
dictionario remotemente (via navigator Web).

Il debera haber functionalitates de historico e de observation
(similar al existente in Wikipedia) pro altere usatores verificar si
le ultime inclusiones e cambiamentos es correcte o non. Tunc il
haberea un sistema informal de "peer review" pro facer le dictionario
plus acurate.

Pro evitar vandalismos, solmente usatores con le privilegio de
"lexicografos" poterea editar entratas. E nos saperea qui es iste
lexicografos, proque nos establiria le privilegio a ilos. Le alteros
poterea solmente cercar entratas (read-only).

Antonielly Garcia Rodrigues

--
Archivos e disabonar: http://listserv.icors.org/archives/INTERLNG.html