Car amicos!
Heri tarde in le vespere io ha cercate per Google super bloges in
interlingua (con iste duo parolas de cerca: blog, interlingua). Subito io
esseva devenite attentive super un adresse .hu, dunque de Hungaria. Io
esseva devenite suprendite, e reguardava, que le diabolo pote esser isto.
E ecce: alicuno, un scientista hungare con 40 annos, le qual io non
cognosce, un professor universitari ha initiate un pagina de rete in e
super interlingua ... de Peano. Io esseva suprendite, proque io nunquam
pensava, que existerea ancora un tal homine del toto in le mundo - non
mesmo in Hungaria - que serea adherente, "activista" de Latino sin
Flexion. Ben que io es adherente, etc. de interlingua de IALA/Gode, io
gaude super iste facto, proque le cosa ha le certe valor
e utilitate sur
le campo del interlinguistica general, e in interlinguistica hungare. Pro
me place LSF, proque illo sta si proxime a nostre interlingua. Ma usque le
die de heri io ha trovate solmente le sito "Europeano" in es super iste
linguage. Io apprecia sempre le activitate de homines in cosas positive de
benevolentia, mesmo in altere cosas, que io prefere (Interlingua <=>
LSF).
Visita anque vos le sito de dr. Zolta'n Gala'ntai, e age principalmente in
un maniera, que io faceva: io ha inscribite in nostre interlingua
commentario a un de su novas in su blog in LSF; forsan ille comprendera,
que il non vale se activisar in un projecto morte, ma plus tosto in nostre
vivente interlingua! :)) (Si io ben sape, le majoritate del activistas,
adherentes del lingua de Peano vivente e active in nostre seculo XXe
passate transvadeva a nostre movimento, e esseva devenite active in
illo...)
Sur le pagina se trova un logo con le scription "Instituto pro Latino sine
Flexione". Le question es, an iste instituto existe del toto (anque
internationalmente, non solo in Hungaria), o an illo consiste solmente de
senior Galántai... (Heri tarde post mi discoperta io scribeva a ille un
epistola electronic in iste thema - in nostre interlingua - ma usque hodie
responsa non ha venite. Ma io pensa, que ille deberea responder, si io ja
faceva un commentario in su blog anque...)
Blog in/super Latino sine Flexione de dr. GALÁNTAI Zoltán:
http://galantai.inno.bme.hu/blog/
Pagina principal (interessantemente non ligaminate de su pagina
hungare...) in/super Interlingua de Peano:
http://galantai.inno.bme.hu/babel/
(Del "logo" es acquiribile le blog, su fontes in formato de picturas,
ligamines, etc.)
Scribe, reag
e anque vos in su blog, pro que ille vide, que nostre
Interlingua es vermente vivente! ;-)
Péter Kovács
|
