Salute Harleigh e vos alteres!
In contradition al regulas ego non dele le texto que ego scribeva.
Il essera ben clar pro que.
"Harleigh Kyson Jr." wrote:
> --- Kjell Rehnstrom <[log in to unmask]> wrote:
> > "Harleigh Kyson Jr." wrote:
> >
> > > (...)
> > >
> > > (Le Queen Mary nunc es un attraction touristic a
> > Long
> > > Beach [, California]. Illo esseva un nave de
> > > passagers multo famose in su dies de gloria.)
> > >
> >
> > O mesmo "Le nave Queen Mary nunc es..."
> >
> > E mesmo on forsan debe adder "Long Beach,
> > Califronia,
> > USA". Il ha pro exemplo un Sancte Peterburg anque in
> > Russia e il ha in region caucasian un Georgia que
> > non es
> > le stato american!
> >
> > Kjell R
>
> ---
>
> Io non sape exactemente lo que vos vole communicar me.
In facto solo le facto que in un grande mundo il ha un massa de
locos a simile nomines in varie paises.
> Io solmente usava iste proposition como un exemplo
> del uso de interlingua. Io vive a Long Beach,
> California (Califonria, naturalmente esseva un error
> typographic).
Si e ego non faceva le cosa melior scribente per error
"Califronia". Nos sede in le mesme nave!
> Il me pare que forsan vos crede que io es un
> imperalista american. Io crede que le Statos Unite es
> un imperio tan mal como le alteres, specialmente le
> imperios britannic e francese e roman.
Como in omne paises il ha ben e mal lateres. Il ha multe
narrationes de iste pais que es tanto enorme que on non pote dicer
qualcosa decidite. Mesmo Svedia, que es microscopic in comparation
es multo differente e lo que on pote dicer in re Svedia debe esser
multo superficial si on vole dicer alque "clarmente" in re le
pais.
Ego probava ascoltar le Adresse re le Stato del Union del
Presidente Bush iste nocte, al hora 03 tempore svedese, ma
succedeva solo trovar un station a undas curte, satis mal. Ego de
novo dormiva... Lo que era interessante era le multe applausos.
> Io odia multe aspectos del cultura del Statos Unite
> proque io es homosexual. Si io habeva nascite in
> Svedia o in Danmark in 1938 in vice del Statos Unite,
> io non haberea debite confrontar le prejudicios
> christian superstitiose contra le homosexuales (multo
> commun in le Statos Unite!), que me ha marginalisate
> in le vita american, e mi vita haberea essite multo
> plus felice!
In facto nos es equal in etate. Ego es anque nascite in le anno
1938!
In le situation svedese le homosexuales era anque multo
marginalisate. In facto solo in le annos de adolescentia ego
audiva de isto, e illo era vermente un tabu (taboo) in mi
circulos. On simplemente parlava multo poco de isto.
In nostre dies il ha un altere situation. Le radio national
annuncia que desde sabbato iste septimana le homosexuales potera
esser probate pro adoption de infantes. Svedia es le sol pais in
le mundo que ha facite isto de lege. Que il forsan non habera
multe effectos practic es un altere cosa...
Le expression "pote esser probate" significa que un persona
homosexual qui vive in un partenaritate registrite pote applicar
al autoritates del derecto adoptar un infante."
> Le Statos Unite, vermente, non es un pais civilisate.
> Io cognosce multo ben le mentitas e le duplicitate que
> characterisa le cultura, le governamento, e le systema
> social american, e io vermente odia iste pais. Pro
> me, esser american esseva un malissime accidento de nascimento!
In multe societates il pote esser multo mal esser marginalisate
pro le un o altere causa. (Si iste dicto es un consolation es
difficile dicer :-)
Personalmente ego ha sovente ludite per le pensate que occurrerea
si ego viveva in un un altere pais; mi vita como polonese,
germano, finno, russo. Un multo interessante ludo de cogitation...
Un imperialismo ha su (dis)avantages. Vidite de mi horisonte
svedese il es fantastic qual alte grado de dominantia ha le Statos
Unite. Il non va un sol die que ego non audi partes de intervistas
con scientificos american in nostre radio national. Le anglese ha
un enorme fortia de penetration in le cultura. Isto es tanto plus
fantastic si on pensa del facto que mi generation forsan era le
ultime qui studiava tanto le germano como le anglese in le schola!
In facto per le contactos con le parlatores de interlingua via le
rete ego ha apprendite plus in re le Statos Unite que de altere
medios! Ben extraordinarie, nonne?
Amicalmente
Kjell R
|
