Qui esseva le personal del IALA?
"Mi equipa esseva componite de Hugh E. Blair e de un altere persona, cuje
nomine io ha oblidate. Isto de Gode esseva formate de personas multo
interessante que io cognosceva ben al epocha."

Esque illes esseva linguistas?
"Usque recentemente le formation de linguista [experto de linguistica
general, red.] non existeva. Io ha essite formate como anglicista. Le
linguistas esseva recrutate inter le gente qui habeva studiate le plus de
linguas que possibile. Sra. Morris esseva multo contente vider duo brancas
del qual illa sperava forsan que illos se funderea in un sol. Io ha
demandate a un amico, Jean Paul Vinay, de rejunger me. De retorno a Paris,
io ha demandate un congedo al Schola del Alte Studios pro repartir in
America, e io ha travaliate de februario usque le estate pro establir le
principios de un lingua auxiliar in un loco situate presso le station
central de New York, "rail central terminal", in le strata 42." Le gruppo de
Gode – quatro-cinque personas – laborava in un sala, illo de Martinet in un
altere. In toto dece personas con le personal administrative componite de un
presidente, Mary Bray, qui se occupava del gestion del gruppos e un adjuncta
plus interessate in le aspecto de recerca.

Per Alix Potet, Jean-Pierre Elloy e Madeleine Mahé
Redaction: Thomas Breinstrup

(2 de 4 partes)