Io ha essite preoccupate iste septimana con comprar un nove automobile.  Mi
1989 Plymouth Grand Voyager habeva devenite vetere, requirente plus e plus
visitas al garage pro reparar lo.  Mi sposa diceva post le ultime visita
al mechanicos, que io debe comprar un nove automobile.  Initialmente io
resisteva aquesto, proque io ama mi Grand Voyager.  Mais alora io audiva un
ruito in le compartamento del motor.  Io discoperiva que le fonte del ruito
esseva le compressor del aclimitasation.  Illo esseva vetere, e possibilemente
altere cosas es vetere tanto ben.  Assi io decideva a cercar un nove automobile.

Lunedi mi sposa e io habeva tempore pro cercar un automobile nove.  Nos vadeva
a plure venditores de Plymouth Voyagers e Dodge Caravans (ambe essentialmente
le mesme automobile facite per Chrysler).  Nos eventualmente trovava nos cerca
35 milas de nostre casa in le pede del montanias de Nord Georgia. Le venditor
es famose como "Jasper Jeep" de Jasper, Georgia.  Illo es le plus grande
venditor de "jeeps" possibilemente in le mundo.  Mais illes equalmente vendi
le varie modellos de automobiles Chrysler, Plymouths, Dodges, Jeeps, Eagles.
E illes habeva un grande selection de Dodge Caravans (minicamionettas). E
io discoperiva le secreto de lor successo como venditores de automobiles.
Lor predico es le costo del factura del fabricante al venditor plus $195.
Le factura non es semper monstrate per venditores al compratores. Io habeva
obtentite un lista del precios de factura in le tela transterrestre.  A Jasper
Jeep illes me monstrava le factura.  Illo esseva exactemente lo que io
expectava.  Illes addeva solmente $195 a isto pro forma le precio pro me.
Un juste precio!  Io comprava.  Infortunatemente illes non voleva dar me
multo pro mi vetere Grand Voyager.  Illes diceva que le maximal offerta de
tres venditores in grosso pro mi Grand Voyager esseva solmente $800.  Io
crede que io pote vender mi Grand Voyager pro al minus $1500.  Mesmo le
tela indica que le medio de precios pro 1989 Grand Voyagers esseva $3800.
Assi, io reteneva le Grand Voyager pro dar lo a mi filio Roberto a vender.
(Ille esseva in le passate un venditor de automobiles).

Io prendeva possession de mi nove 1998 Grand Caravan martedi, e heri io
commenciava a modificar le coffro e lecto que io construeva pro le Grand
Voyager, pro mi Grand Caravan.  Illo requireva certe excisiones aqui e alla
pro conformar lo al nove interior.  Hodie io ha finite le carpenteria e ora
io lassa le color a siccar se.  Io va retener mi Grand Caravan durante al
minus 9 annos.

Le color de mi nove Grand Caravan es blanc. Il ha un certe suggestion de
un ambulantia. Mi previe Grand Voyager esseva obscur gris (con un suggestion
de un Mercedes Benz).  Hodie mi automobile es non solmente un Dodge mais un
Mercedes Benz!  Chrysler e Mercedes Benz ha fusionate se.

Stan Mulaik