Il pare que tres resultatos nunc emerge ex nostre
guerra iraqi:

(1) Le iraqis crede que nos les ha invadite solmente
pro controlar le extraction de lor petroleo e pro
establir un governamento cliente statounitese pro
assecurar nostre controlo sur lor ressources natural.
(A multe americanos qui opponeva nostre invasion de
Iraq isto sempre ha essite obvie.)

(2) Le resistentia del iraqis contra nostre occupation
de lor pais deveni gradualmente plus forte.  Io crede
que iste processo continuara.

(Le franceses prolongava lor guerra in Algeria proque
illes voleva controlar le extraction del petroleo
algerian como nos vole controlar le extraction del
petroleo iraqi.  Eventualmente, le pretio economic e
moral del occupation de Algeria per le franceses
deveniva troppo grande.

(Multe characteristicas del cultura american es
aggressivemente stupide.  Nos es troppo stupide pro
apprender ex le experientia algerian del franceses,
pro exemplo, exactemente como Hitler esseva troppo
stupide pro apprender ex Napoleon le periculos de
invader Russia.)

(3) Multe paises dice a nostre governamento que como
Bush ha create le problema de anarchia in Iraq, ille
pote resolver lo sin le adjuta militar de illos.

Un interessante exemplo de isto pare esser Danmark.
Bush vole que le daneses nos provide 5.000 soldatos
pro adjuvar nos con nostre occupation de Iraq, ma le
daneses va provider solmente inter 300 e 400 soldatos
pro adjuvar nos con nostre occupation del pais.

A Bush (qui legalmente pote esser accusate de crimines
de guerra ma qui probabilemente escappara le onere de
tal accusationes a causa del potentia de nostre
fortias armate) le daneses non ha dicite que ille debe
vader al inferno o suffocar se in un laco de merda.

Lor reaction ha essite un politica de appoio minimo,
probabilemente con le insistentia que
regrettabilemente lor economia non permitte major
appoio a nostre effortios admirabilissime pro apportar
a Iraq le democratia, le libertate, e le fraternitate
inter kurdos, sunnis, e shiitas.

Io non pote describer quanto admirabile io trova le
daneses.  Illes sapeva como tractar le nazis, e illes
usa un simile sagessa pro tractar nostre proprie
governamento criminal.  Io nunquam potera trovar le
parolas pro describer a vos quanto io regretta non
haber nascite inter illes!

---

Il es un tragedia historic nostre que multe americanos
votarea pro Bush in nostre proxime election
presidential.  Illes es como le multitudes de germanos
qui amava Hitler usque su invasion a in Polonia, que
provocava un serie guerra contra ille per opponentes
qui poteva eventualmente causar le destruction de su
pais.

Forsan con le tempore nostre pais cambiara como
Francia sub De Gaulle, qui negotiava le independentia
de Algeria.  Ma primo nos debera suffrer como le
franceses.  E nos non es circa iste puncto.  Arrivar a
illo probabilemente essera un question de annos.

---

Here's a joke in English:

"What does a Sunni Muslim say when he meets a Shiite?"

"Oh, shiite!"


__________________________________
Do you Yahoo!?
Yahoo! Calendar - Free online calendar with sync to Outlook(TM).
http://calendar.yahoo.com