Car amico Josu!

Lassa me precisar certes de mi pensatas un poco.

Non crede que io generalmente es contra recercas e essayos de establir modos ben fundate pro transcription phonetic in interlingua. Al contrario, io multo apprecia tal recercas facite p.ex. per Ingvar e Carlos.

Si p.ex. on establi un plen lista del Thesauro in transcription phonetic scientificamente fundate, io lo salutarea como un initiativa utile e benvenite.
    Utile pro alcunos, sin interesse pro alteros.

Ecce mi puncto. Le cosa ha plure (duo) nivellos, e io crede que on deberea esser caute de non troppo miscer los.

Le Thesauro a nivello basic, illo pro un usator ordinari, como me p.ex., debe esser maximalmente simple clar e precise, dar solmente le information necessari, solo isto, sin imponer a ille infornationes additional del quales ille ha nulle besonio o interesse. Le pur presentia de tales forsan mesmo poterea facer le alquanto perder le interesse pro servir se del excellente instrumento pro inricchir su cognoscentia del ric vocabulario de interlingua.

Pro le notion de 1000 metros, assi, il ha solmente duo cosas relevante: 1) que le parola es "kilometro", 2) que in iste porola le accentuation es un poco irregular, a saper super le "o".
    kilometro [-ó-] (alternativemente [-o-])

Io crede que le vaste majoritate de usatores ordinari pertine a ille categoria a nivello basic.

Un gruppo minus grande de usatores (a "nivello avantiate") pote haber besonios linguistic pro diverse explicationes e expositiones plus detaliate e extense. E naturalmente il es solmente bon si il ha varie ligamines a que o pote referer al beneficio de tales. Ma non essaya incorporar toto in le Thesauro basic!

Io non sape si io ha succedite exprimer me in modo bastante clar, e si illo face senso a te Josu e alteres.

Salutes amical

Bent
(suffrente p.t. ancora de sequelas post un grave influenza con pulmonitis durante Natal e Nove Anno.)


--
Pro leger le archivos e pro modificar o cancellar le subscription:
http://listserv.icors.org/archives/interlng.html