Salute, Mike

> Io es felice de vider tu participation in INTERLNG
> --e tu interlingua es multo bon e euphoniose! :-)

Aha! Malgrado que io es un novicio, on jam trova mi interlingua bellissime e
perfectissime!

Ma io es un persona le plus modeste e le plus inambiciose! Alora, io propone
que io sia considerate como un ultime judicial instancio super questiones
lingual.

Si vos non es de accordo, io va abandonar  immediatemente aquesta lista de
reactionarios lingual, e io va crear un nova lingua: "interrusslingua"! (Si
io non erra, un "interhispanlingua" jam exista...)

> Anque io pensa que kvas ha bon appoio in le linguas de
> controlo.

Ben! Ma io opina, que le forma "kvas" es troppo latinesc e, dunque,
abominabile (como "iste"). Alora, on debe (inevitabile e urgente) substituer
"akvaso" a "kvaso". Illo esserea le plus utile pro le diffusion de
interlingua, nam "aqueste akvaso" es multo plus belle e internationalemente
comprensibile que "iste kvaso".

(Le mesme consideraciones es applicabile a "Coca Cola", que sin dubita debe
esser nominate "Acoca Acola"...)

> Le cocina russe es globalmente famose, nonne? Alimentos
> e biberages russe serea un fonte ric de vocabulos
> international.

Pro le objectivitate, le opiniones super le cocina russe debe esser
exprimite per un commission de quatro "personas de appoio": un anglo, un
franco, un italiano e un hispanbraziliano.

Regrettabilimente, le nation "hispanbrazilian" non existe in le Nature!
Alora, nos debe attender usque le ingenieros de genas ha succedite in
producer iste nation mysteriose...

Linguisticamente,
modesta novicio,

Sergei