In un dissertation doctoral obtenibile de
Dissertation Abstracts International,
David A. Stone ha studiate le phenomeno de
procrastination in contextos academic.
Ille nota que le procrastination es un problema multo
prevalente in le academia. Il ha habite un proliferation
de recerca super iste comportamento dishabilitante
durante le 15 annos previe.  Usque ora necun
investigation ha essite trovate que considerava le
possibile contribution de variabiles neuropsychologic
al procrastination.  Un problema significante ha essite
le dependentia excessive super monstras de convenientia.
Como un resultato le information super le procrastination
describe typic mais non sever procrastinatores. Sever
procrastinatores es aquelle individuos qui suffre
consequentias significante como un resultato de lor
procrastination.  Le recerca aqui presentate esseva
designate a esser le prime a identificar un monstra
de sever procrastinatores e alora a comparar lor
comportamento a un gruppo de controlo con respecto a
un varietate de mensuras del functionamento
neuropsychologic.  In iste studio correlational de
campo, le subjectos esseva 63 studentes de un
collegia public, 33 de que esseva in un periodo de
proba academic e 30 de que qui esseva studentes del
psychologia con bon notas.  Cata subjecto compleva
un breve neuropsychologic examination primarimente
directe al habilitates del functionamento executive.
Subjectos equalmente compleva altere instrumentos
que evalutava le procrastination, le intelligentia,
le depression, e le disordine del deficit de
attention.  Un differentia significative inter
le medios esseva obtenite in le scala del
procrastination, que confirmava que le studentes
in un periodo de proba academic experientia sever
procrastination academic.  Additional comparationes
de medios tanto ben como analyses correlational
falleva de appoiar un connexion inter le
functionamento executive e le procrastination.
Le sol differentia significative de un mensura
neuropsychologic esseva in connexion con le
Ruff Proba de Fluentia Figural con le procrastinatores
sever functionante multo pejor.  Iste resultatos
es discutite in le contexto del difficultate
general de evaluatar le habilitate de functionamento
executive.

--Stan Mulaik, traductor