Car Martijn e Marie,
Benvenite a nos in le communitate international qui parla, scribe,
discute, se incontra, se batte o se ama in Interlingua!
Il es evidente que tu Marie es una de mi quasi mille studentes del
subjecto "Le vocabulario international", ubi io utilisava Interlingua
como un "concretisator" de iste idea.     Il habeva multe Maries
- sed nulle "Strega" (le nomine carressive indica que vos es jam
maritate...;-)..) - alora, que esseva le nomine familial de illa?
E in qual anno esseva illa mi alumna?  Quando io sape isto,
probabilemente parera in mi memoria su facie, cosas que illa
ha dicite o facite, specialmente si tu me informa del nomines
de alcun de su cameradas del classe.   Alora, scribe me, e
saluta la cordialmente.
Como Jan Armann, le presidente del Societate Svedese pro
Interlingua, ha scribite, nos esserea multo contente vider vos
ambes in le Cursos Intensive (duo stadios; tu debera esser in
le stadio avantiate) le 26-28 de julio e in le Incontro Nordic,
que seque immediatemente postea, le 28-30 de julio 2000.
Annuncia te a Piet Cleij como membro de Interlingua Nederland!
Assi tu deveni automaticamente membro del Union Mundial
pro Interlingua.
Tu jam scribe excellentemente Interlingua!  Continua con nos!
Amicalmente
Ingvar Stenström,

Vegagatan 12, S-432 36 Varberg, Svedia
Tel. +46-/0/340-15053
<[log in to unmask]>
<[log in to unmask]> <[log in to unmask]>
<http://www.interlingua.com> <http://www.algonet.se/~armann/>
ICQ UIN nr. 26993308