Mario Malaguti wrote:
>
> Car Amicas e Amicos,
>
> in un mi vetule pagina:
> http://www.i-gi.com/trevisan/Dialetto.html
> pro un solution de como scriber, ab uso de internet  e de un e-posta, le
> dialecto de Treviso, io utilisava le punto "!" in substitution del littera
> "l", ma isto - como releva anque Jay - non es un bon solution in un pagina
> HTML, que on pote leger in un modo diverse ab un altere, o in un e-posta.
>
> Gratias Ingvar e Jay e gratias a Kjell R.!
> Ille scribe: "Si io me non erra il ha un tal littera in latviano. Tu
> besonia un l con un punctu subtus, in infra, nonne?". Si, como le puncto
> exclamative, ma que sia le character "elle".
> Le veneto scribe normalmente le littera l e in multe casos illo non lo lege
> o lo allude a pena. Trovar un character pro poner in evidentia isto il es
> un cortesia reguardo al lectores. Leger le dialecto non es facile mesmo pro
> un veneto e le computator non ha facilitate iste facto.
> Io cercara le claviero e le "codepage" del latviano, que serea illo lituan,
> del Lituania, nonne? No, illo es illo del Lettonia o Latvia!
>
Per latviano io intende _letton_ si tu prefere iste expression. In latviano on
usa un puncto sub l, k, n. (Nunc io non trova mi dictionario latvian-svedese
pro referentia!) Il es amusante que in le vetere computatores Amstrad (con un
terribile schermo e solo pro processar de parolas) il habeva omne litteras
possibile. Etiam io porta in car memoria le WordPerfect pro DOS que habeva
toto que on poterea desirar. Ma subito totes voleva haber le fenestras! Guai!

Esque le dialecto de treviso face un differentia inter longe e curte
consonantes? Si non tu poterea facer como in espaniol e scriber ll pro
expressar un l molle, proque il es de illo que se tracta, nonne? Esque iste l
es equal al sono in _figlio_?

> Ab iste mi pagina, con le selection:  "Pagine per Stella" on pote leger re
> le "Talian", un lingua italian spontanee usate in Brasil del Sud per circa
> duo milliones de personas. Illo es simplemente pur dialectos del Veneto. Io
> spera que un die isto sera le mesme pro Interlingua: un lingua usate in le
> quotidiano e spontaneemente.
> Assi ha facite le Venetos emigrate ultra cento annos retro in le Americas
> Central e del Sud.
> Un altere realitate de iste typo es in Mexico e vos pote haber un parve
> information in mi paginas.
>
> Iste nocte io legeva re le Vikingos e lor Odino. Io trova que nostre
> culturas se repete e que nos ha un base commun plus de quanto nos non
> comprende.

Si, legente le vetere narrationes del deos de India on anque trova un
denominar commun. E nos ha cognoscentia de iste mythologia nordic gratias a un
persona, Snorri Sturlason in Islandia in le 13e seculo.

Amicalmente