Salute Ado!

>a proposito: *nagiar (fr. nager, esp'o naghi) > natar

Multe gratias pro le correction. Estranie, io mesmo
immagazinava le texto in mi computador sub le
nomine "nagiar.txt"....

Pro illes qui se interessa pro isto, io va copiar le version
revisate (plus 3 strophes mediari).

Salutes,

Klaus


------------------------------------------------------------------------

Infantes regal

Illes era un prince e un princessa
qui sentiva pro se un amor caldissime
mais non jammais on ha vidite les juncte
le stricto intermedie era nimis profunde.

"Carissimo, an tu pote natar?
Oh, nata ja al costa mie!
Io va accender tres candelas
cuje lumine te dirigera."

Totevia un fee maligne les spiava,
simulante si illa esserea dormente,
le candelas illa extingueva
e assi le juvene prince periva.

Oh matre, car matre amate,
mi capite tanto me dole,
io va promenar me in altere parte
forsan al longe del litore.

Le matre camminava al templo,
durante que su filia curava al mar
e ibi marchante tanto que
illa trovava un piscator.

"Oh, car piscator, per favor,
an vos vole ganiar un grande merito?
Vostre rete jecta in le aqua, senior,
e pisca me mi morte amante!"

Multe vices le piscator jectava su retes
a fundo in le mar pro retrovar finalmente le morto
"He, virgine gratiose, reguarda,
ecce le filio regal."

Illa imbraciava le corpore sue,
cujes labios frigide era tanto pallide.
"Oh, si vos pote de nove parlar a me,
mi corde esserea resalvate!"

Pois illa mitteva su mantello
e saltava in le mar sinistre.
"Car parentes, io trova mi sepulcro
que vos non jammais videra."

Le campanas sonava per tote le pais,
ubique on audiva un alte plorar.
Duo regal infantes mano in mano cubava
e nunquam reascendera.

------------------------------------------------------------------------

======================================================
Pro disabonar te del lista, invia un message a
[log in to unmask] con le texto:

  UNSUBSCRIBE INTERLNG

o visita le sito del lista:

  http://maelstrom.stjohns.edu/archives/interlng.html
======================================================
Visita le sito official del Union Mundial pro
Interlingua:

  http://www.interlingua.com/
======================================================