Horacio Martinez wrote:

> Io pensa como Edo expresava in un previe message. On pote collateralisar le
> orthographia del parola football in futbol, assi on poterea expresar le ver
> sono del termino sin ambiguetates phonetic.
> On debe recordar anque que in italiano le parola vermente usate pro
> significar le joco del football esse "calcio", de maniera que in le election
> pro standarisar parola iste non deberea esser in consideration.

Il me sembla que le patres de Interlingua non considerava specialmente que le
comparation debe esser synchronic. Quando on permitte un radice de francese
ancian supportar le parola _occider_ (vide le introduction) isto sembla indicar
que on etiam debe considerar le synonymo _football_ in Italiano, ben que le
termino moderne certo es _calcio_.

Un reflexion lateral: Ante multe annos nunc ego audiva un emmision radiophonic
ubi on parlava Lituania. Le discussion era de nove parolas in le lingua. On
voleva, diceva le reportero, lituanisar le lexico, et on citava un parola cuje
forma original ego ha oblidate, ma le senso era (bolla de pede), que on pensava
esser multo pesante, viste que le termino "international" esserea "football".

Nunc ego pensava quanto grande era "licentia stupiditatis" apud iste reportero,
viste que le termino in le lingua vicin, le polonese, es justo "bolla *pedal"
(Precante le polonophonos non pensar del sensos lateral del parola _pedal_ in
polonese!!!)

Interlingua es un poco inclar quanto a lo que es un bolla et lo que es un balla
(de un pistol pro exemplo). Pro me on usa ballas pro tirar, viste que il ha
ballistica. Le experto de ballistica apud le policia non multo se interessa del
trajectorio de bollas, mesmo si tal a vices pote destruer le vitro de un
fenestra, sed isto forsan non es le deber investigar del "ballisticos".