Stan scribeva:
(...)
> Io recentemente ha essite in un debatto con Bob Petry, un Occidentalista
>a auxlang, super le historia de Interlingua. Io usava mi vetere Curreros
>pro contrar le historia de Matejka e alteros de 1954+ que impone le
>idea que Gode ha superate interlingua pro su proprie ideas. Ben que illes
>dice que Berger ha mentite super evenimentos a Occidental inter 1947 e
>1951, io opina que su conto de evenimentos esseva accurate. Io ha semper
>trovate que quando io habeva informationes independente a verificar
>le conto e materias de Berger, que ille esseva accurate.
A mi aviso il es satis clar que le interlingua in le vocabulario non es
identic al lingua que on inviava al scrutinatores pro referentia, e il es
solo de esser felice pro isto.
Le allegationes que Gode quasi sequestrava interlingua es apparentemente
false. Il basta USAR le IED activemente durante alcun tempore e on
comprendera que il era varie voluntates active in le creation del
dictionario, o exprimite alteremente. Il habeva plure cocineros pro facer
le suppa.
Io lassa al historicos de studiar le historia scientificamente, io
simplemente non es competente in isto. Ma secundo lo que io ha legite, e in
conversationes con ex-occidentalistas io ha venite al conclusion que illes
reageva totalmente rationalmente, transiente a interlingua.
Si nos suppone que le interlingua - como asserta le neooccidentalistas -
era pejor que occidental, il per consequente esserea factores sociologic
que pulsava le occidentalistas a interlingua. Forsan. Ma in iste caso le
optime sociologic conditiones del movimento interlingua era necessari, e le
majoritate de occidentalistas comprendeva isto.
Il es mesmo possibile que le ideas del indepententia de interlingua esserea
un mytho o un miscomprehension, sed il era interlingua qui functionava...
Nos vide in cosmoglotta un micrissime organo de un parvissime movimentetto
de dedicate siniores qui discutava le pro e con de su lingua e se jaceva in
ardente polemicas con omne altere linguas. Si occidental esserea
immediatemente comprensibile al parlatores de linguas occidental, on
deberea usar lo pro le communication que on debeva haber.
In loco de isto on se occupava solmente del altere linguas e del bon
lateres de occidental.
Sed pro nos in le Union Europee il ha le problema del bureaucratia e le
cive individual, in le qual on risca que le linguas del grande poteres
deveni le sol linguas official in le union.
In le europarlamento il sembla que le lideres de omne gruppos politic es
_anglese_. Malgrado le facto que le angleses non vole participar in le
union vermente. Tamen illes per su lingua pote decider le nomine del valuta
(e si illo habera plural o non, secundo nostre medios).
O le franceses qui ha le beneficio de haber tote le decidente organismos
del UE in le territorio francofon.
Quando cata stato membro usa su lingua official, isto significa que il ha
15 cortes con pallisadas, e le populo habera insupportabile difficultates
de collaborar. Il costa moneta....
E nos non del toto pote controllar le labor del burocratia. Ecce le causa
proque io me occupa con interlingua. Io spera, que in le futuro iste lingua
potera functionar qua le instrumento per le qual mi infantes e su infantes
potera exercer le poter de controlo civil, que es in-dis-pens-abile si on
non va crear pro nos un Union Occidental Sovietic con corruption e clausura
de un nove nomenclatura, qui in un futuro va planger se a su equales in
altere nomenclaturas international, que le "populo" es tanto ingrate e non
ha cultura.... e on debe divertir le populo con sempre plus stupide
divertimentos televisive... on vende toto como le comoditates que es notate
sur le bursa!
Jam nunc il sembla que le agricolas face plus de labor in completente le
applicationes pro subsidios monetari que coler le terra. E il se trova un
ver industria de construer le blanchettos, traducer los, explicar como
complir los, colleger le responsas, controllar que toto es correcto, que
toto es conforme al realitate, que nulle ha fraudate. Il ha - como de
habitude - oculos de un Argus pro controlar le cive, que ille seque omne le
regulas e regulettas, ma le seniores non vole esser controlate, nulle
transparentia.
Io naturalmente es pro le membritude de Svedia in le Union Europee,
obviemente nostre paises es troppo micre, e tunc il es melior que on los
junge in un union voluntari quam que on los unifica per un guerra....
Qua de habitude io non pote tener me al thema, sed comentia con le
foliettos occidentalic e fini in le grande politica unional, sed io crede
que toto es interdependente, e isto pote esser un debile ration pro iste
message.
[log in to unmask]
Kjell Rehnstroem
Vaenortsgatan 87
S-752 64 UPPSALA
Svedia - Sweden
|
