Piet scribeva: (e io spera que ille non recipe isto como cursiva (italicos
in anglese):
>
>Esque nos debe excluder certe themas de nostre lista? In principio no!
>Tamen, io crede, il ha alicun themas periculose. Io opina que discussiones
>super politica e religion pote esser multo interessante, ma que in certe
>casos illos pote causar irritation indesirabile. Alora on debe esser multo
>caute in le maniera de exprimer su opinion super illos, specialmente quando
>il se age del convictiones religiose de alteres.

Duscussiones de politica e religion pote esser mult interessante e illos
provoca quasi omnes de participar. Durante mi instruentia de svedese io
sovente usava le discussiones de politica o religion con multo interessante
resultatos. Naturalmente si on ha duo personas de cata un su religion del
mesme pais il pote esser un poco periculose :-)

Io me recorda un gruppo ubi il habeva studentes de varie paises con
systemas opposite, habente venite a Suedia pro le mesme causa: que illes
non era compatibile con su regimes domestic.

Io faceva substitution pro un altere instructor qui me diceva que le gruppo
es difficile, proque sempre "parla politica e quasi cade in un partita a
pugilistica". Io habeva le plus terribile anticipationes...

Comenciava. Vos communistas!!! Vos fanaticos fascista!!!!

Io: Gente, vos es in le mesme pais e in le mesme camera de classe. Audi!
Nos omnes sape que nos non ama le alteres. Sed vamos reguardar le cosa de
un altere latere. Qual era le possibilitates quitar le pais?

E on comenciava narrar. In certe paises le problema jaceva in obtiner un
passaporto. In altere paises le problema esseva que un passaporto on
facilmente poteva obtiner, sed on curreva le risco de esser attaccate per
adversarios politic.....

E subito tote le banda discuteva vivacemente e amicalmente le varie
differentias. Isto es mi sol clar memoria que io habeva mediate un rixa.
Non sempre "discussiones" poteva diriger se al scopo de crear exercitio del
lingua.

Ante que finir io tamen vole parlar de un discussion in religion que io
unquam audiva inter un islamita, un protestante, un catholico e ancora un
catholico de un altere parte del mundo. Ille homines discuteva con ver
voluntate saper. Non pro persuader le alteres ma pro comparar e apprender.
Isto era un del plus fantastic momentos que io ha experite. Un del momentos
auree.

Lassa nos pro isto non obir le temas difficile sed lassa nos in le
continuation demonstrar le cortesia que es tanto typic pro iste lista e que
lo rende le optime del rete, si vos me permitte haber un opinion subjective.

Le lista naturalmente non se forma ipse. Nos lo forma. Nos totes es homines
e nos pote de tempore a tempore esser un poco enoiante. Ma - como dice le
angloparlantes - nos lo processa (We are working on it!)

>Discussiones super interlingua ipse, super questiones grammatical e  super
>parolas, pote esser interessante e utile. Ma anque hic io vide un periculo.
>Quando le discussion dura troppo e deveni sempre plus detaliate con
>innumerabile repetitiones de lo que on ha jam dicite in previe messages
>e quando finalmente le discussion se restringe a duo o tres personas, io
>crede que le momento ha venite de cessar lo in le lista INTERLNG, e de
>continuar lo in un correspondentia private inter iste duo o tres personas.

Personalmente io va inviar mi discussiones grammatic al personas de qui io
crede que illes es interessate. In le lista io tentara scriber si ben que
possibile. Del resto le grammatica es le mappa, e nulle persona qui non
produce mappas debe designar le signos chartographic, es sufficente que
ille sape comprender los.


Kjell [log in to unmask]
Kjell Rehnstroem
Vaenortsgatan 87
S-752 64  UPPSALA
Suedia - Sweden