TIRATRICE DE CAPILLOS
PARDONATE

  Un femina del urbo de Covington, Georgia USA discoperiva hodie que
in fin illa non essera deportate pro tirar le capillos de un altere femina
circa 10 annos retro.
  Mary Anne Gehris, qui veniva aqui de Germania como un baby, recipeva
un pardona que va stoppar le planos del governamento federal a
deportar la in accordo con un lege de immigration de 1996 fortemente
criticate como excessivemente sever.  Su homine de lege la telephonava
a su labor pro dar la le novas.
  "Io esseva como 'Que? O Deo Mie! Vos joca'! diceva Gehris.  "Ille diceva,
'Nonne. Tu realmente lo ha.  Calma tu, calma tu!"
  In 1998, quando Gehris esseva 22, un judicio poneva la in libertate
conditional for un anno post tirar le capillos de un femina in un querela
super un homine.  Illa habeva oblidate le episodio usque illa applicava
pro devenir un cititano le anno ultime e le authoritates demandava
si o non illa jammais habeva essite condemnate pro un crimine.
  Illa apprendeva que le lege de 1996 require le deportation de gentes
qui habeva essite date un sententia - mesmo un sententia suspendite -
pro un delicto como le furto minor.  Le governamento federal ha
deportate centos de tal immigrantes, mais mesmo le Servicio del
Immigration e Naturalization dice que le Congresso debe ager pro
cambiar le lege in tres projectos de lege sub consideration.

  Le 10 de januario, plure horas post le conto de Gehris appareva in
un periodico, le Consilio de Georgia de Pardonas e Parola de Honor,
telephonava le homine de lege de Gehris, Socheat Chea, a informar le
del possibilitate de un pardona.  Illo ha pardonate un 'manata' de
immigrantes facie a facie al deportation post condemnationes super
delictos non violente, e illo ha discoperte plus casos desde le conto
de Gehris appareva in le novas national, diceva Kathy Browning, un
portavoce del Consilio.
  Le Consilio votava 5-0 le septimana passate a pardonar Gehris, 34,
un sposa e matre qui cresceva a un adulte como un americano e
sape necun germano.  Su homine de lege diceva que illa non ha essite
in difficultate con le lege desde 1988.
  In le interim, Gehris intende a reapplicar se pro derecto de cititano.
Le pardona in tote certitude va liberar le via pro aquello, e Gehris
es incoragiate super su prospectos, in parte proque illa obteniva le
maximo in un examination pro nove citatnos le anno ultime.
  Le examination habeva demandate, "Qui assume le position del
presidente, si le presidente e le vice-presidente se mori?" illa
demandava de illa mesme. "Le Voce del Casa de Representantes".
"Que es le tres ramos del governamento?"  Executive, judicial, e
legislative.
  Illa pausava.
  "Vos ha necun idea como excitate io es!"
  Le periodico monstrava un pictura de Anne. Illa es multo attractive
con longe capillatura rubie.
Traducite del _Atlanta Constitution_ le 3 de martio 2000.

>>>
Traducite per Stanley Mulaik