Lassa nos supponer que in un pais il appare un partito qui labora pro le introduction de interlingua in omne relationes international, como pro exemplo el Union Europee. Tunc, que occurre?

Primo omne le altere partitos va ridiculisar iste partito. Si il se monstra que le partito ha un enorme supporto in le population, omnes parla interlingua. "Con
'iguano' al Commission!" il va apparir candidatos del nove partito qui va publisar le plus abominabile opiniones. "On debe castrar criminales sexual!" "On debe poner taxas a omne personas qui non parla interlingua!" etc. Per consequente on va scandalisar le partito.

Postea le medios va inviar hostes de linguisticos qui va dicer que un lingua artificial como esperanto non es possibile! In plus il es innatural usar un lingua constructe. Le anglese al contrario es natural.

Si le supporto pro "iguano" resta ma le partito disappere on omne altere partitos va acceptar un poco de interlingua. Le politica habera un dendentia verso interlingua.

Assi il de facto functiona. Nos habeva in le 70's le apparition del Partito Ecologic, le verde. Primo il habeva un multitude de verdes qui habeva multo revolutionari ideas. Naturalmente il appariva etiam un multitude de folles qui proponeva un multissime grande numero de reformas impossibile. Le
partito non habeva un presidente ma "tubas de parola", un viro e un femina.

Le Ecologistas era multo anarchic. Lor conferentias era colorose occurrentias. Un partito plen de ideas. Vive como tu apprende (doce). Ma gradualmente le partito ha adaptate al stilo general del partitos. Quasi le systema lo rende adaptar se.

In le 80's veniva le nove partito Nove democratia, le qual faceva un stupende campania electoral. Tote le altere partitos habeva singultos de terror. Viste que le partito non habeva un "muro contra folles" (como le muro contra conflagration in un systema computatorial - "crankwall" ego dicerea in
anglese, ma ego non sape si le parola existe), il habeva un multitude de personas qui publisava le plus terribile opiniones! In plus on habeva ganiate tanto de locos in le administrationes local que il era difficile trovar personas pro occupar omne locos!

Et assi le tote partito discadeva in fractiones, combattante se mutualmente.

Et assi finiva le multo promettente fabula del partito neodemocratic!

Cellus un cive observator