Car omnes.

Duo nove libros appareva le 1 de decembre in le serie "Facile a leger in
interlingua". Como vos sape, le serie debe stimular le interesse pro
leger litteratura (original e traducite) in interlingua. Omne parolas
usate es le 2.500 parolas explicate in "Interlingua - dictionario
basic". Parolas ulterior es explicate, in interlingua, in notas a pede
de cata pagina.

Pro esser un poco modeste, io cita del mention in www.interlingua.com:

    "Contos del foreste" es un libro con contos super le aventuras del
    animales, scribite per Horacio Quiroga (1878-1937). Le contos es
    scribite pro juvenes in un lingua fresc e plen de humor. Iste libro
    contine cinque contos -- pro le prime vice in interlingua, gratias
    al bon labor de Italo Notarstefano, qui es un active contributor al
    litteratura de interlingua - per traductiones e per obras original.


    E un tal obra original es "Mysterios in Mexico" per Thomas
    Breinstrup. Il es un belle die al costa con sol e calor. Harry
    Johnson ha vacantias, ma durante un visita al citate occurre un
    robamento in un joieleria, e tosto ille deveni parte del labor pro
    solver le mysterio como isto ha occurrite -- e ubi es le joieles
    disparite. Isto deveni le comenciamento de un aventura surprendente.


    "Facile a leger in interlingua" ha su proprie sito in
    www.interlingua.com/facilealeger con ligamines directe al titulos.
    On pote comprar omne le titulos in linea e pagar immediatemente - e
    si on es rapide, le libros arrivara ante Natal. Le precio del duo
    nove titulos es sex euros (exclusive porto postal) per libro. Il
    vale comprar plus de titulos pro assi sparniar le porto postal.


Dunque visita www.interlingua.com/facilealeger e studia le libros que ha
ja apparite. Il ha certo un o duo que vale esser comprate (e assi tu
supporta le labor pro diffunder interlingua). Nove titulos es sub
preparation, le prime va definitivemente venir in januario.

Con mi optime salutes
Thomas Breinstrup


--
Pro leger le archivos e pro modificar o cancellar le subscription:
http://listserv.icors.org/archives/interlng.html