> Luca,
>   Io ha vidite aquelle historia in mi jornal quotidian.  Io es placite
> per le additional detalios que tu ha providite.  Multo interessante,
nonne?
> Le homine glaciate del etate de bronzo esseva occidite per un flecha
> de silice.  Habeva su inimicos necun flechas de bronzo?  Es isto un
> caso de un homine con superior technologia occidite per alcun con le
> inferior technologia?  O esseva le flechas in su porta-flechas equalmente
> flechas de silice?  Un conto mysteriose...
>
> Stan

Si un belle mysterio iste homicidio prehistoric!
Un sol parvissime flecha in silice ha modificate tote le ideas e le theorias
que le scientistas habeva usque a hodie pensate e elaborate. Io rememora le
spectaculo de novas, de imagines televisive, de photos, de collision
diplomatic inter Italia e Austria pro le pertinentia del mumia in 1991.
Quante e qual theorias re iste homine del Similaun! On habeva formulate nove
theorias re le excambios commercial, cultural, religiose del homines del
Alpes. On habeva pensate a un nove imagine plus actual, plus ingagiante del
homine prehistoric tendite verso nove aventuras, nove discopertas. Ille era
un nove heroe del historia, un nove heroe del antique cultura europee! In
vice...un mysteriose omicidio!
Forsan ille era un guerrero, e su habito e su armas es un bon prova, ma cosa
ille faceva illac supra, in le alte e inacessibile montanias? Proque ille ha
essite assassinate? Proque su corpore ha essite oblidate?.
Io ha vadite alicun annos antea in le valle Senales o Schalstal, in germano
proque in Tyrol del Sud il ha le bilinguismo, ubi il ha le glaciero del
Similaun. Hic ha essite trovate le mumia post le progressive regressar del
galciero. Le valle Senales es pro me un del plus belle vallata alpin que io
ha nunquam vidite e il sembla difficile pensar que plus que 5.000 annos
retro le belle silvas, montanias ha essite testimonios de un horribile e
mysteriose homicidio.

Luca Ghitti