LE LUNA UN DIE HABEVA UN SOROR
(Si nostre satellite ha mesmo essite trahite ab le Terra, illo pote haber
habite un companion per un curte periodo de tempore.)

Alcun menses retro, scientistas del Universitates de Tokyo e de Colorado,
in Boulder, annunciava que, secundo simulationes in computator, le Luna
nasceva de facto ab un collision del Terra con un altere planeta, con
grandor approximate al de Marte. Le violentia del choc destrueva le
inconveniente vicino e jectava al spatio un anello de fragmentos de rocca,
similante al anellos que gira circa Saturno. Ha essite iste petras que
veniva a conglomerar se in le Luna que brilla hodie super nostre capites.
Usque illac, necun surprisa. Surprisa mesme es que, del 27 simulationes que
le scientistas realizava, novem demonstrava que le satellite terrestre non
ha essite le unic corpore formate per le choc. Secundo Robin Canup, chef
del equipa american, si le anello pulverose se distantiava bastante del
Terra -- a un distantia circa 40.000 kilometros -- le fortia del gravitate
terrestre pote haber separate le petras in duo portiones. "Alora surgeva
duo lunas, in vice de un", dice ille. "Nonobstante, al minus in nostre
computator, le plus proxime de nos non durarea plus que un seculo. Illo
serea destruite per le mesme fortia gravitational que lo haberea create. Su
restos haberea cadite retro al Terra.

Per Thereza Venturoli.

[Revista SUPERINTERESSANTE, Anno 11, Nº 12, decembre de 1997]
--
   ENSJO*: EMERSON JOSÉ SILVEIRA DA COSTA
  E-mail : [log in to unmask] [<Ø>] Brasil!
Homepage : http://www.nautilus.com.br/~ensjo/
Telephono: (091) 231-5740 // +55 91 231 5740
 UIN ICQ : 713833   [* "sj" pronunciate "sh"]

INTERLINGUA - lingua auxiliar international
    Info : http://www.interlingua.com
 Grammar : http://www.nautilus.com.br/~ensjo/interlingua/english.html