Car amicos,
Oh guai, Allan, le nomine "Unilingua" es jam occupate!
Ante me sur mi scriptorio se trova un grande libro de 292
paginas, publicate in Paris 1965 per Dr. Noubar Agopoff
que porta le titulo Unilingua, que contine un description
detaliate de un projecto a priori.   "at tej, tot ovoza teabia,
odota tadi´a, eze fia ed fina "kimeryti yd tome kynodo mona
mim'a.    Con vostre intuition interlinguistic vos lo jam ha
decifrate, nonne?  No?  Ecce: Io nasceva, oh dea al oculos
azur, de parentes barbare, inter le bon e virtuose Cimmerios,
qui habita al bordo de un mar tenebrose. (Le famose texto
comparative de IALA.)

Iste libro es un parte de un donation de libros, revistas
e letteras in multe (un decena) de linguas artificial, le
qual SSI ha recipite ab sr. Gunnar Ljusterdal.  Io nunc
lo catalogisa a fin que illo pote esser vendite al profito
del Fundo pro Europa Oriental, i.e. pro Interlingua in
iste paises.     Sia preparate pro raritates bibliographic.
Illos essera vendite a ille qui nos invia le offerta le plus
alte, dunque in un "auction".
Esque le lista potera esser inserite in le sito de UMI,
Paolo.  Proque non in alteres tamben?
Salutes amical,
Ingvar

Ingvar Stenström,
Vegagatan 12, S-432 36 Varberg, Svedia
Tel. +46-/0/340-15053
<[log in to unmask]>
<[log in to unmask]> <[log in to unmask]>
<http://www.interlingua.com>
ICQ UIN nr. 26993308