d[990320] x[Allan Kiviaho] KivA-93K
s[Telephono mobile qua salvatore de vita]

Estimate Seniores,

un pauc vantar, si vos permitte:

On ha in Finlandia nunc plus que 3 milliones telephonos
mobile, i.e. plus que 60 % del population finlandese ha
uno. In Germania solmente 10 %. E le plus grande
fabricante del telephonos mobile es NOKIA, un corporation
finlandese, sequente per L.M. Ericsson, Svedia e Motorola,
le U.S.A.

Sicut on se rememorar, Janne Årmann, le presidente del SSI,
le organisation svedese pro interlingua, injuriava se a
pede ante le conferentia UMI-XIII-Strasbourg in 1997, in un
foreste. Quamquam ille es un experte ingeniero forestal, su
situation era periculose. Sed le telephono mobile le
salvava. Con illo ille poteva telephonar pro ambulantia e
describer su loco.

Un finno trovava se sur un banchisa flottante in le Gulfo
de Finlandia. Ille poteva obtener adjuta con su telephono
mobile e un nave salvava le.

Sed ante tres dies occurreva un salvation le plus
spectacular. Un famose svedophone jornalista e trainator
de ballo mano era arrestate per un auto sur le via
principal proximo le parve citate Borgå. Il era tarde e
obscur. Il era forsan duo autos obscure la proque ille era
battite a sin sensos de retro. Alicun horos plus tarde ille
reganiava su sensos.

Il era totalmente obscur e ille era tenso cordate. Ille era
stipate in le spatio de bagage de su auto. Ille succedeva a
succuter su telephono mobile ex su tasca - le banditos lo
non habeva observate. Ille etiam trovava un stilo e habente
le stilo in su bucca ille succedeva telephonar al centro de
alarma de politia, ille habeva programmate le numero in su
telephono sub duo cifras.

Le politia videva que le alarma veniva del area del citate
de Lappeenranta sed le area pro cercar era vaste. Sed
proque tal crimines son usualmente facite per gangsteres
russe, le politia guidava al frontiera de Finlandia/Russia
e trovava le auto in le vicinitate del station de
frontiera. Le banditos habeva solmente prendite su
portafolio.

----------
WAP e UMTS
----------

Ante duo dies le governamento finlandese permitteva qua le
plus prime in le mundo a quatro companias de
telecommunication licentias pro le systema "WAP" (Wireless
Application Protocol - Protocollo de applicationes sin
filos), un standard aperte pro applicationes pro
telephonos, qua ligamines a interrete, cinemas e videos
etc.

UMTS (Universal Mobile Telecommunications System - Le
Systema Universal pro Telecommunicationes Mobile), le
telephonos e communicatores mobile del tertie generation,
son prendite a usar in Finlandia le plus tardo in 2002.

Tal systemas partialmente substitue mesmo le computatores
in le futuro proxime.

Vamos dicer interlingua in tal apparatos nove!

Allan