> Proximitate genetic de italianos con le turcos secundo
> mesuration de distantias X^2 per frequentias allele
> ------------------------------------------------------
>
> Referente a KivA-13H
>
>              Turchia
>  1. Italia     13.66
>  2. Bulgaria   14.98
>  3. Romania    15.55
>  4. Grecia     15.85
>  5. Espania    16.16
>  6. Austria    16.87
>  7. Hungaria   17.57
>  8. Francia    17.64
>  9. Helvetia   18.08
> 10. Germania   18.34
>
> Qual explica le alte relative proximitate genetic
> inter le italianos e turcos? (Ver, 13.66 non significa
> MULTO alte proximitate).
>
> Le resultato forsan non es tal mystic. Il ha essite un
> alte friction inter le italianos e turcos durante
> seculos (In Dalmatia, le Peloponnesos, Creta e altere
> insulas), Mar Nigre, le continuante guerras naval e
> actiones piratic con grande influxos de servos in ambe
> direction, alicun invasiones de turcos a Italia, le
> colonias mercantil de Venezia e Genova in Istanbul
> etc.
>
> Con salutes genettantesc (genetic-dilettantesc)
>
> Allan
>
> Luca, ha tu vidite un brillantissime pelicula
> italo-turc: "Il banio turco"?

    Car Allan,
    Tu me ha anticipate le responsa a  mi multe questiones re le insolite
proximitate genetic del italianos e le turcos. Iste datos effectivemente
face multo pensar re un valide theoria genetic. Tu responsa pote esser un
optime theoria e on vide que tu es un valente historico; in plus forsan io
pensa anque al insolite theoria historic ex le provenientia del populo
etrusc.
    Secundo alicun homines de scientia, il pare que illes poterea provenir
de un area geographic del Medie Oriente non ben localisate e proque illes ha
un enigmatic linguage nondum ben comprendite e simile a linguages de area
anatolic. Etsi per recente studios il non pare confirmar iste hypothese, ma
que le Etruscos sia un populo autochthone le quales ha ben assimilate le
culturas estranie gratias a grande excambios commercial e cultural con plure
populos mediterranee.
   An como il es possibile que le proximitate genetic del bulgaros, illes
son un population turc slavisate es minus evidente quam lo del italianos? E
anque le  rumanianos e le grecos, le slavos del sud o yugoslavos ha habite
in plure seculos un durabile e profunde domination turc, securmente major in
comparation al excambios inter le italianos e le turcos le quales se basava
super toto in actiones de pirateria e de saccheo .
 An il es possibile admitter un qualque antique interconnexion genetic inter
le proto-turcos e le
indoeuropeos inter le quales, alicun de illes ha devenite pois le tribos del
antique italicos e latinos? Un responsa difficile a dar! Comocunque tu
responsas son bastante logic e il non es necessari trovar causas mystic e
equalmente insolite e mysteriose. Le "rasorio de Occam" nos nos insenia que
le responsa va investigate in le responsa plus facile, plus obvie!

    No, io regretta, ma io non ha vidite le pellicula "Il bagno turco/Le
banio turc", etsi io rememora un bon judicamento del critica e del publico.
Io dolentemente non cognosce multo le cinematographia turc, io ha solmente
lecte alicun libros del scriptor turc Yasar Kemal : Ultra le montania" e "Le
retorno de Mehemed le falcon"; le lectura de illos me ha enthusiasmate
remarcabilemente
.

    Mamma li turchi! Assi le italianos del medievo diceva terrorisate quando
illes videva le naves del piratas turc arrivante in le costas italian per
depredar les.

    Con ver amicitate!

    Luca Ghitti