STAN MULAIK ad [log in to unmask] ha scripte in 2001/09/11 2:45 PM:
> Io debe dicer que isto va producer major cambios in le maniera
> in que nos tracta le terroristas e paises que da les le asylo.
> Isto es le guerra, e nos americanos va proteger nos.
> Stan Mulaik

Car Stan,
Io spera, e mesmo preca, que le  personas american
non tracta omne islamicos con prejudicio a causa
del actiones de un gruppo terrorista, le sequitores
de Osama Bin Laden, secun le officiales nos informa
que illes crede es detra le attaccos. Mesmo si le
Afghanis dava le assylo, illes forsan non sapeva
lo que Bin Laden ha in mente facer.

Novas in le television informa que un seniora
Barbara Olsson telephonava desde le avion e
diceva que su aeroplano esseva prendite per
plus de un terrorista con "Knives and cardboard
cutters" Il es difficile creder que illes solo
habeva ille armas, ma mesmo un "cardboard cutter"
es multo affillate e pote causar grande injurias.
Depost prender controllo del avion, officiales
crede que le terroristas volava le avion illes
mesme. Le seniora Olsson es un del victimas e
on non sape que deveniva de illa e le altere
passageros solmente que illes moriva con le
explossion.

Le prime ministro de Israel nunc expressa su
condolentias e dice que illes bassa su capite
in tristessa pro  le populo american. Sharon
parlava in Hebreo. Il esseva bon audir su
parolas, ma ille promitteva que il non haberea
sito pro terroristas e faceva un promissa pro
adjuta al governo american.

Le pentagono continua in flammas. Le avion
faceva un grande incission trans le edificio
e il es difficile creder que ille edificio
esseva construite contra explossiones atomic.
Un persona que videva le attacco con su mesme
oculos diceva que illo pareva como un enorme
missile con alas que veniva directemente
contra le Pentagono. Nunc il ha extreme
messuras contra le damno al Pentagono,
superviventes diceva que alcun del renovationes
que il habeva essite facite in le Pentagono
salvava su vitas, le fenestras esseva nove
e designate contra impactos, e illes videva
le flammas trans illos, ma illos non se rumpiva
tosto e dava bastante tempore pro que illes
fugiva le edificio, ma alcunos non poteva
fugir.

Un altere edificio de supporto al turres del
World Trade Center cadeva. le fumo continua
ascender super Nove York.

Io me accorda que nos vadeva in fronte de iste
edificios quando con altere professores nos
viagiava a Nove York le anno passate. Il es
tanto difficile creder que ille grande turres
non son plus illa.

Il es difficile anque creder que personas committeva
suicidio pro lor causa, e mesmo faceva le horrific
action de prender le vita de altere personas. Il
es un die triste, multo triste pro le humanitate
integre.

Io preca pro le die quando le uso de violentia
e aggression essera un distante memoria e un
cosa que nos considerarea barbaric e inhuman.

Tristemente,
Jay B.