MARIO MALAGUTI wrote:

> Io recipe iste message adressate a mi vetule interprisa commercial
> Informatica GI Srl de Treviso. Que face illes? Me considera illes americano?

Et tu, Mario! Sempre quando on in alcun modo ha usate su adresse in foros o
listas public on pote reciper tal messages. On me ha proponate ganiar
exorbitante summas in USD, que nunc costa 10 SEK pro un USD. Il pote esser
offertas del typo: "Gania plus de 1000 dollares per die! Ego ha un fantastic
schema que pote render te multo ric. Invia, per favor 10 USD al sequente
adresse....", o "Ecce un secreto que ego vole condivider con te! Nunc tu pote
devenir rico. Iste travalio es bon su tu es sempre a casa. Tu debe poner
documentos in copertas. (Valide solo in USA et Canada)." Et ego me demanda, pro
que ha on inviate isto a svedia. A vices ego ha pensate de finger le stupide et
inviar un message in svedese que ego non comprende, o proponer mi
revolutionante curso de geografia. "Hi! Ecce un magnific secreto. Tu es un
gruppo de 1000 personas a traverso le Statos Unite qui nunc pote, a un ammonta
muuuulto favorabile, experientiar Kjell's Geography Buster que te da le
geographia del mundo al apices de tu digitos. Sape tu ubi es situate Urumchi o
Tirana, Korpolombolo o Christianopel? Piece of cake per iste curso. Stupefica
tu amicos per tu enorme cognoscentias de geographia. Solo 20 USD pro le prime
curso. Memora, Kjell's, le geographia sur tu palma!" Ma naturalmente ego non
invia tal cosas proque per iste maniera on cognoscera que "iste", i.e. le mie
adresse functiona, et in plus ego pote, sin saper isto, sufferar del Morbo
Hyphenationis, lo que occurre a nos estranieros qui non ben usa le hyphen in
anglese ;-). Il ha ancora un plus dangerose possibilitate, que alcuno vermente
crederea del existentia de un tal cosa! Ergo. Le exemplo in supra es un obra de
fiction, et omne similitude con le realitate es multo coincidential et es
plenmente non-intendite.

Scripte per Cellus