Il es un grandissime testimonio del spirito
human e le amor per nostre proximo que
per le actiones de un humile carmelita nos
observa le incredibile inhumanitate e le
iniquitate del Nazis. Le testimonio del
Testes de Jehovah durante le oppression
del governo Nazi in Germania es similarmente
como le sacrificio inhuman del personas judee,
un incoragiamento pro mantener nos forte e
con esperantia in le facie del persecution
inique e religiose. Nunc in paises como Israel,
Irlanda, Le region de Kosovo e alteres, le
divisiones fomentate per le fervor religiose
e anti-religiose da nascimento a un monstrositate
e perversion del spirito human... le idea que
pro defender le fide de uno, on debe liquidar
le vita de un altere persona... Le actiones de
personas inique que viste le drappos religiose
ma sub illos porta le anihilation de su vicino
obtinera le judicamento juste del Creator que
usque nostre dies reguarda omne injustitia con
su patientia divin ma con le promissa de poner
action a su parola con le establimento de su
regno millenial.

Tunc es mi opinion plen de fide e con sentimentos
tenere pro personas tal como ille fidel parve soror
carmelite, que con su sacrificio demonstra nos que
le spirito human non pote esser extinguite per le
odio e le prejudicamento inique.

Sincermente,
Jay  B.
-----Original Message-----
From: Esteban Avey <[log in to unmask]>
To: [log in to unmask] <[log in to unmask]>
Date: Friday, October 09, 1998 8:11 AM
Subject: Canonisation de Edith Stein


>Hodie ego ha audite del canonisation de Edith Stein como sancta del
>ecclesia catholic. Illa nasceva como judea in Germania, sed se converteva
>al catholicismo in 1923. Illa entrava in un convento carmelite como
>religiosa in Hollanda in 1932, justo quando le Nazis mitteva in practica
>lor suppression del judeos. A causa de un denuncia contra le Nazis per le
>ecclesia nederlandese, le Nazis imprisionava omne judeos qui se ha
>convertite al catholicismo. Le Nazis inviava Edith Stein al campo de
>concentration Auschwitz ubi illes la uccideva un septimana post su
>arrivata. Sed durante iste tempore breve, illa adjutava le altere
>prisioneros per su compassion e amor. Le question que ego ha es, que pensa
>nostre amicos judee de iste conversion e canonisation de Edith Stein? Esque
>illes lo considera un traition del fede judee per illa o es il un honor de
>que omne judeos assi como catholicos pote esser fer? Ego es multe curiose e
>spera reciper le opiniones del membros del lista.
>
>Amicalmente,
>Esteban
>