10 februario 1999

Europarlamentarios appoia nove planos pro transformar le maniera in que
statos membros del UE tracta le residuos de Europa. Al lectura secunde
in Strasbourg del nove regulas UE super le depositos interrate de residuos,
le reportero official del Parlamento, europarlamentaria Conservative
Dr. Caroline Jackson (Sudwest - RU) persuadeva europarlamentarios a
appoiar actiones pro mundar le Europa.

Post que europarlamentarios ha votate in numeros invincibile pro su
propositiones, le portavoce del Conservativos super le ambiente in Europa,
Dr. Caroline Jackson, europarlamentaria, assereva: "Le voto del Parlamento
marca le fin del societate de jectar via in Europa - e specialmente in
Brittania ubi nos al hora actual invia 85% de nostre residuo al depositerias
interrate.  Durante que isto va facer major demandas de politica de nostre
autoritates local, a cambiar le destination del residuo que nos produce es
un urtica que ora nos debe caper.

Le expertos predice que le planos de Dr. Jackson va devenir in fortia
trans tote le Europa plus tarde iste anno.  "Le Directivo del UE dice que
nos debe inviar minus e minus residuo al depositerias interrate durante
le proxime 18 annos.  Per 2018 nos va interrar solmente un quarte del
residuo que nos currentemente depositar in cavos in le terra.  Sitos
de depositerias interrate trans tote del Europa deberea conformar se a
standards plus alte, designate a proteger le aquas subterranee e impedir
le escappamento del methano." notava Dr. Jackson.

Salutante actiones a mundar le Europa, Dr. Jackson diceva iste matino
(mercurdi 10/2): "Tote le consilios vole promover le recyclization, mais
le majoritate de schemas ancora tracta de percentages relativemente
parve del residuos.  Iste Directivo UE va initiar schemas pro le
recyclization e le reutilization del residuo.  Ultimemente in le Regno
Unite nos debera trovar un altere destination pro 14 million tonnas de
immunditias, con costos estimate per le Departamento del Ambiente a
inter 3 e 7 milliardos."

"Consilios ora debe considerar le expansion de iste schemas e decider
si o non a construer le incineratores a convertir le residuos al energia.
Isto essera un major defia al consilieros e planatores. Incineratores
tractarea amontas grande del residuos, mais il ha le possibilitate de
un major reaction contra illos infra le publica, si non que le
incineratores es regardate como compatibile con le ambiente.

Dr. Jackson concludeva: "Mi reporto establi clar standards pro le
tractamento del residuos in Europa. Statos europee que continua a
pollutar nostre regiones rural o a interrar le residuos in vetere
puteos de minas, non jammais va escappar le lege. Europarlamentarios
es determinate a mundar Europa pro le nove Millenio.

                       FIN

Traducite in Interlingua per Stanley Mulaik

Pro informationes super Interlingua, le lingua commun de Europa,
visita le sito in le tela transterrestre
http://www.interlingua.como
e
http://www.interlingua.org