Durante que Ensjo suffere con le calde equatorial, e Kjell con
le frigide aere de Svedia, o Jay sub le nive de hiberno in Nova
Anglaterra, io in Atlanta ha un temperatura de 12 grados celsius.
Isto es sufficiente pro portar duo tabourets que io ha facite de
ligno in mi officina in le cellario, foras le casa pro pinger los.

Mais le tempore de tornados veni.  De facto le nocte ante le previe
nos habeva un advertimento de un vigilantia pro tornados a 0330 horas
quando un grande linea de tempestas passava per nostre region.

Io preparava un camera in mi cellario a que io e mi sposa vaderea
si il ha un advertimento de un tornado date per un sirena, que  sona
como le sirenas del  Guerra Mundial II.  E io televideva le noticias
del tempore in le television. Il ha canales que monstra le radar dopplar
que monstra le position de tempestas de pluvia in nostre region.

Isto occurre quando le aere es instabile in le primavera, con
aere frigide del nord que incontra le aere humide e calde del
Golfo de Mexico.

Io habita le  contato de Cobb in le nordwest de  Atlanta. Iste
contato ha habite le plus grande numero de tornados de tote le
contatos in le stato de Georgia.

E tornados e vigilantia verso illos non es un cosa jocante.


Stan Mulaik